31 март куни Олий таълим, фан ва инновациялар вазири Шарипов Қўнғиротбой Тошкент халқаро университетида бўлди
2024-04-01 16:05:00 / Вазирлик янгиликлари
Вазир ташрифи давомида университетда талабаларга яратилган шароитлар ва таълим кластери билан танишди. Ушбу таълим кластери мактабгача таълим, умумтаълим мактаби, профессионал таълим муассасаси ва халқаро университетдан иборат.
Бундан ташқари, масъуллар томонидан университетда ихтисослашган Илмий кенгаш, Малака ошириш маркази фаолият олиб бораётганлиги ҳамда 300 ўринли талабалар ётоқхонаси ва ахборот ресурс маркази ҳам мавжудлиги билдирилди.
Шундан сўнг, вазир Қўнғиротбой Шарипов Университет ректори профессор Мр. Жун Ёнг Wоок билан биргаликда таълим соҳасидаги дўстликни янада мустаҳкамлашга қатъий интилиш белгиси сифатида университет марказий боғида дарахт экишди.