Олий таълим, фан ва инновациялар вазири Қўнғиротбой Шарипов В.И.Романовский номидаги математика институти директори академик Шавкат Аюпов билан учрашув ўтказди..
2024-03-14 18:05:00 / Вазирлик янгиликлари
Мулоқот давомида олий таълим муассасалари ва Математика институти ўртасида узвийликни таъминлаш борасидаги ҳамкорликни кучайтириш масалалари муҳокама қилинди. Хусусан, мазкур йўналишдаги дарслик ва ўқув қўлланмаларни биргаликда тайёрлаш таклиф этилиб, бу борада амалга ошириладиган ишлар белгилаб олинди.
Шунингдек, Ш.Аюпов Илғор муҳандислик мактаби учун ёшларни саралашда Математика институти ҳамкорлик қилишга тайёр эканини билдирди. Бунда ёшларнинг муҳандисликка бор иқтидорини математика масалалари орқали аниқлайдиган олимпиадалар орқали саралаш тизимини йўлга қўйиш таклиф этилди.
Шу билан бирга, ўқувчи ва талабаларни Ёшлар академиясига бириктириш, академияни Математика институти билан интеграциялаш масалалари бўйича ҳам фикр алмашилди. Суҳбат якунида вазир Шавкат Аюповга Ёшлар академиясининг фахрий аъзолиги нишонини топширди..