Ўзбекистон Республикаси Олий таълим, фан ва инновациялар вазирлиги

Дастлаб ЙУНЕСКОнинг Олий таълим соҳасидаги малакаларни тан олиш тўғрисидаги Глобал конвенсиясининг Ҳукуматлараро Конференсияси ноодатий сессиясида иштирок етилди.

Маълумот ўрнида, Глобал конвенсия олий таълимга оид малакаларни давлатлар ўртасида адолатли, шаффоф ва камситилмасдан тан олишнинг универсал тамойилларини белгилайди ва олий таълим олиш ҳамда кейинги ўқиш ва ишга жойлашиш имкониятини беради.

Тадбирни ЙУНЕСКО бош директорининг таълим бўйича ўринбосари Стефан Джанини кириш сўзи билан очиб берди. Унинг сўзларига кўра, бугунги кунда жаҳонда умумий 250 млн дан ортиқ талабалар таълим олаётган бўлиб, улардан 6 млн дан ортиғи ўз минтақасидан ташқарида таҳсил олади ва бу ҳолат уларнинг малакалари ҳамда кўникмаларининг тан олинишида қатор муаммо ва саволларни келтириб чиқаради. Шунингдек, дунё аҳолисининг олий таълим билан қамровини кенгайтиришда гендер тенгликни таъминлаш, қочоқларни таълим олишини кўллаб-қувватлаш кабилар Малакаларни тан олиш тўғрисидаги Глобал конвенсиясининг асосий мақсади ҳисобланади. 

С.Джанини ҳозирда Глобал конвенсиянинг ратификация қилган мамлакатлар сони ортиб бораётганини тилга олиб, ҳаракатлар ижобий натижа бериши учун қамровни ошириш заруратига алоҳида тўхталиб ўтди. Бу борада ЙУНЕСКО томонидан қатор мамлакатларга техник ва консултатив кўмак кўрсатилаётгани маълум қилинди. 

Маълумот учун, 2024-йил март ҳолатига кўра, Конвенсияни 28 та давлат ратификация қилган ва яна 20 га яқин давлат ратификация қилиш жараёнида.

Глобал конвенсияни ратификация қилиш орқали давлатлар олий таълим соҳасида халқаро ҳамкорликни мустаҳкамлаш, унинг сифатини мамлакатимизда ва бутун дунё бўйлаб ошириш ҳамда академик мобиллик ва малакаларнинг тан олинишини бутун дунё бўйлаб амалга оширилишида ёрдам бериш мажбуриятини олади.

Тадбир доирасида Глобал конвенсия иштирокчи давлатлари вакилларидан иборат ишчи гуруҳларининг амалга оширган ишлари натижалари тингланди ва 2024–2025-йил учун иштирокчи мамлакатларнинг ўзаро ҳаракатлари Дастури тасдиқланди.
 
Тадбирдан сўнг ЙУНЕСКОнинг узлуксиз таълим тизимлари ва сиёсати бўлими раҳбари Борен Чакрун ва ташкилотнинг олий таълим бўйича лойиҳа координатори Тортиан Хассмик билан учрашув ўтказилди. 
 
Б.Чакрун учрашув аввалида давлат раҳбари Ш.Мирзиёйев томонидан амалга оширилаётган ислоҳотлар кўламини юқори баҳолади. Мулоқот давомида Ўзбекистонинг Глобал конвесияга аъзо бўлишини кўллаб-қувватлаш, олий таълим тизимини янада ривожлантириш борасида ЮНЕСКО билан ҳамкорликда лойиҳаларни йўлга қўйиш, улар учун маблағ жалб етиш бўйича таклифлар муҳокама қилиниб, якунда ташкилот ишчи гуруҳининг жорий йил апрел ойида Ўзбекистонга ташрифини ташкил етиш бўйича келишувга еришилди.

Франсия Олий таълим ва тадқиқотлар вазирлигининг Йевропа ва халқаро ишлар бўйича маслаҳатчиси ўринбосари М.Буар, Франсия Ташқи ишлар вазирлигининг маданият, таълим ва тадқиқотлар бўйича департамент директори М.Пейро, “Cампус Франcе” агентлигининг Маркетинг ва стипендиялар бошқармаси бошлиғи Е.Жадо билан учрашувлар ўтказилди. 

Музокараларда икки давлат раҳбарларининг олий даражадаги ташрифлари доирасида еришилган келишувларни амалга оширишни жадаллаштириш чоралари юзасидан қатор келишувларга еришилди. Жумладан:

1. Ўзбекистонда Ўзбек-франсуз университети фаолиятини йўлга қўйиш. 
Ушбу йўналишда олий таълимга масъул икки вазирлик ўртасида тегишли Битим имзоланади ва университет фаолиятини ташкил етишда кўмак кўрсатиш учун франсуз ОТМларидан иборат гуруҳ аъзолари кенгайтирилади.

2. Ўзбекистонлик талабалар учун Франсияда таълим олиши учун грант ўринлари ажратиш. 
Олий таълим, фан ва инновациялар вазирлиги билан “Сампус Франcе” агентлиги ҳамкорлигида ёшларни Франсия ОТМларига таълим олиш учун юбориш механизми ишлаб чиқилади ва ҳамкорликда молиялаштириш чоралари кўрилади. 

3. Ўзбекистонда илғон муҳандислик мактабларини ташкил етишда ҳамкорлик олиб бориш. 
Франсиянинг муҳандислик мактаблари директорлари ассоцияцияси ва “Сентрале супелеc” муҳандислик мактаблари билан ҳамкорлик олиб борилади ва ушбу ҳамкорлик доирасида Франсиянинг соҳага ихтисослашган лицейлари ва ОТМлари қошидаги махсус мактаблари тажрибалари ўрганилади. 

4. Ўзбекистон–Франсия олий таълим форумини ўтказиш. 
2024-йилнинг октабр ойида Тошкент шаҳрида икки давлат университетлари иштирокида форум ташкил етилади ва ушбу тадбирда Франсиянинг тегишли вазирликлари масъуллари ҳам иштирок етади. 

5. Ўзбекистонлик ёшларни франсуз тилига ўқитишни янада кенгайтириш. 
Ушбу йўналишда “Aллианcе франçаисе” ташкилоти билан Ўзбекистоннинг ҳудудларида франсуз тилини ўқитиш ва билимни баҳолаш борасида ишлар кенгайтирилади. Шунингдек, ўзбекистонлик франсуз тили ўқитувчилари учун малака ошириш дастурлари ташкил етилади.

Шунингдек, ташриф доирасида Франсиянинг Ренн университети миллий муҳандислик мактаби директори К.Мушо ва Пауте университети проректори К.Фернандес-Малуане билан учрашув ўтказилди. 
Уларда Ўзбек-франсуз университетининг таълим йўналишлари, талабалар қамрови ва даражалари каби тафсилотлар муҳокама қилинди. 

Март ойининг иккинчи ярмида Ўзбекистонда университет очиш борасида навбатдаги франсуз ОТМларидан иборат гуруҳнинг ташрифи амалга оширилишига келишиб олинди.