Вазир ўринбосари юртимизда барпо этилаётган навбатдаги Ёшлар технопарки биносининг қурилиш ишлари билан танишди.
2023-11-05 17:55:00 / Вазирлик янгиликлари
Ёшларни илмий фаолиятга янада кенгроқ жалб этиш, ёш истеъдод эгаларини кашф этиш ҳамда илм-фан ва илмий фаолият соҳасининг асосий йўналишларини янада ривожлантириш мақсадида республикамизнинг барча ҳудудларида Ёшлар технопарклари барпо этилмоқда. Хусусан, Бухоро вилояти Ёшлар технопаркининг ҳам жадал суратларда қуриш ишлари давом этмоқда.
5 ноябрь куни Олий таълим, фан ва инновациялар вазири ўринбосари Сарвархон Бузрукхонов “Ғиждувон стандарт қурилиш сервис” корхонаси томонидан қурилаётган Бухоро вилояти Ёшлар технопарки биносини кўздан кечирди.
Вазир ўринбосари Бухоро вилояти Ёшлар технопарки ахборот технологиялари, биотехнологиялар, нанотехнологиялар, энергетика, экология каби турли йўналишларда илмий тадқиқотлар ва инновацион лойиҳаларни амалга ошириш учун замонавий ускуналар ва инфратузилма билан жиҳозланишини таъкидлади. Шунингдек, Ёшлар технопарки вилоятдаги ёш олим ва мутахассисларнинг илмий салоҳиятини юксалтириш, уларнинг ишланмаларини тижоратлаштириш учун шарт-шароит яратишга ҳисса қўшишини қайд этди.