Вазирлар Маҳкамасининг тегишли қарори билан Маъмуров Баҳодир Бахшуллоевич Бухоро давлат педагогика институти ректори вазифасини бажарувчи этиб тайинланди.
2023-09-15 15:45:00 / Вазирлик янгиликлари
Баҳодир Маъмуров 1981 йил Бухоро шаҳрида туғилган.
У 2005 йилда Бухоро давлат университетини тамомлаган. Мутахассислиги спорт психологияси, педагогика фанлари доктори, профессор.
У ўз меҳнат фаолиятини 2005 йил Бухоро давлат университети кафедра ўқитувчиси сифатида бошлаб, кафедра мудири, факультети декани лавозимларида фаолият юритган.
Б.Маъмуров 150 дан ортиқ илмий мақола, 6 та монография, 8 та ўқув қўлланма, 6 та дарслик муаллифи, шунингдек, «Педагогика» энциклопедиясининг муаллифларидан бири саналади.
Тайинловга қадар Бухоро давлат университети Жисмоний маданият факультети декани лавозимида фаолият олиб борган.