Наманган тўқимачилик саноати институти магистрантига вазир совғаси топширилди
2023-09-13 17:05:00 / Вазирлик янгиликлари
12 сентябрь куни олий таълим, фан ва инновациялар вазири, академик Иброҳим Абдураҳмонов Наманган тўқимачилик саноати институтига ташрифи давомида институтнинг Тўқимачилик дизайни факультети биринчи босқич магистранти Муҳфира Ғаниева билан суҳбатда бўлиб, у томонидан олиб борилаётган илмий-тадқиқот ишлари билан танишди. Вазир НамТСИ магистрантига ёрқин фикрлари, ташаббус ва интилишлари учун миннатдорчилик билдирди.
Бугун эса Муҳфира Ғаниева учун вазир совғаси — замонавий планшет Наманганга етиб келди. Вазир совғасини Олий таълим, фан ва инновациялар вазирлиги Наманган вилояти ҳудудий бошқармаси бошлиғи Илҳомжон Сатторов ҳамда Наманган тўқимачилик саноати институти ректори Қурбонали Холиқов ўз эгасига топширдилар.