Мазкур тадбирнинг ёпилиш маросимида Қорақалпоғистон Республикаси Жўқорғи Кенгесининг қўмита раиси Т.Романов, Қорақалпоғистон Республикаси Вазирлар Кенгаши Раиси ўринбосари Б.Ўтемуратов, Олий таълим, фан ва инновациялар вазирининг ўринбосари О.Маҳкамов, Қорақалпоғистон Республикаси Олий таълим, фан ва инновациялар вазири Б.Қайипбергенов иштирок этди.

"ТечноWайс" технологик ривожланиш марафонининг республика босқичи ёпилиш маросими доирасида меҳмонлар марафон иштирокчилари томонидан тайёрланган инновацион кўргазмалар билан танишди. Меҳмонлар лойиҳаларнинг амалий қиймати ва долзарблигига юқори баҳо берди. Кўргазма давомида ёш иштирокчилар ўз ишланмаларининг технологик имкониятлари, уларнинг қўлланилиши ва ижтимоий аҳамияти ҳақида батафсил маълумот бердилар.

Шундан сўнг, тадбирнинг тақдирлаш маросими бўлиб ўтди. Унда сўзга чиққанлар "ТечноWайс" марафонининг мамлакатимизда технологик ривожланишни жадаллаштиришда тутган муҳим ўрнини таъкидлаб, ушбу тадбир ёш авлодни юксак марраларга ундайдиган платформа эканлигига алоҳида урғу берди. Марафон ғолибларига махсус диплом ва эсдалик совғалари топширилди.