"ТечноWайс" технологик ривожланиш марафони олий таълим муассасаларидаги илмга чанқоқ, иқтидорли ёшларнинг инновация, стартап, технология, дастурлаш борасидаги билимларини ошириш, лойиҳалар яратиш ҳамда тижоратлаштириш кўникмаларини шакллантиришга йўналтиришда катта аҳамият касб этади.

Марафоннинг олий таълим муассасалари ва ҳудудий босқичлари дастурий таъминот ва технологик ечим йўналишлари бўйича илмий ҳамда инновацион ғоялар, лойиҳалар, шунингдек, ташаббуслари бор 30 ёшгача бўлган минглаб истиқболли ҳамда инноватор ёшларни бирлаштира олган йирик лойиҳалардан бирига айланди.

Маълумот ўрнида таъкидлаш жоиз, 11-октабргача давом этадиган мазкур марафон давомида иштирокчилар тегишли йўналишлар кесимида ўзларининг инновацион ҳамда дастурий лойиҳалари тақдимотини ўтказади.

Иштирокчиларнинг инновацион лойиҳалари тегишли соҳа мутахассисларидан иборат экспертлар таркиби томонидан белгиланган меъзонлар асосида баҳоланади.

Шунингдек, марафон доирасида иштирокчилар билан биргаликда турли хил илмий, интелектуал ҳамда маданий-маърифий тадбирлар ташкил этилади.