Ростов вилояти олий таълим муассасалари билан ҳамкорликда илғор муҳандислик мактаблари ривожлантирилади
2024-09-24 20:50:00 / Вазирлик янгиликлари
Унда Дон давлат техника университети ректори Бесарион Месхи, Жанубий федерал унверситети ректори Инна Шевченко, Ўзбекистон томонидан Тошкент давлат техника университети ректори, академик Садритдин Турабжанов ва Андижон машинасозлик институти ректори Умид Турдиалиев иштирок этди.
Томонлар ҳудудлараро ҳамкорлик механизми, яъни Ўзбекистон ва Россия ҳудудлари ўртасидаги тўғридан-тўғри алоқалар бевосита университетлараро алоқаларни кенгайтиришга хизмат қилаётгани алоҳида қайд этилди.
– Ўзбекистон ва Россия ўртасидаги ҳамкорлик йўналишлари орасида олий таълим соҳаси алоҳида ўрин тутади, – деди Ш.Далиев. – Бугунги кунда Ўзбекистон Республикасида Россия Федерациясининг 14 та олий таълим муассасаларининг филиаллари фаолият юритмоқда. Бугунги кунда эса муҳандислик-техника соҳаларида илмий-техникавий ҳамкорликка катта аҳамият бермоқдамиз.
Ўзбекистон ва Россия ҳудудлари ўртасидаги ҳудудлараро ҳамкорлик бевосита университетлараро алоқаларни кенгайтиришга хизмат қилиши
Учрашувда иқтисодиётнинг юқори технологияли тармоқларини ривожлантириш ва ушбу тармоқлар учун кадрлар тайёрлаш бўйича Россиянинг етакчи университетлари билан ҳамкорликда Ўзбекистондаги олий таълим муассасалари ҳузурида илғор муҳандислик мактабларини ташкил этишга қаратилган саъй-ҳаракатлар ҳақида фикр алмашилди. Шунингдек, суҳбат давомида Россия томони икки мамлакат тадқиқотчилари ўртасида алоқаларни кенгайтириш, биргаликда илмий мақолалар чоп этиш, биотехнология, ядро физикаси каби соҳаларда ёш олимларни тайёрлаш каби масалаларда истиқболли лойиҳаларни йўлга қўйиш имкониятлари ҳақида таклифлар билдирди.