Германиянинг Анҳалт университети билан қўшма лойиҳаларни амалга ошириш муҳокама қилинди
2024-09-23 11:00:00 / Вазирлик янгиликлари
Дастлаб томонлар Ўзбекистон Республикаси Президенти ва Германия канцлерининг Самарқандда ўтган учрашувида илгари сурилган ташаббуслар бўйича фикр алмашдилар.
Ўзбекистон Президенти Германия канцлери Олаф Шолс билан ўтган олий даражали учрашувда олий таълим соҳасидаги ҳамкорлик алоқаларини янада чуқурлаштириш, бунда Ўзбекистон олий таълим тизимига юқори немис стандартларини жорий этиш таклифи билдирилгани қайд этилди.
Шундай экан, энди сиз ва мен ҳамкорлигимизни давом эттириш учун яхши заминга эгамиз. Шу муносабат билан биз Анҳалт университетининг Ўзбекистон университетлари билан қўшма таълим дастурларини йўлга қўйишга тайёрмиз, – деди проф. Эдуард Сименс.
Германия томони қўшма дастурларни яратиш учун Электротехника ва ахборот технологиялари, Амалий информатика – сунъий интеллект, Халқаро бизнес бакалавриат дастурларини таклиф қилди.
Шунингдек, мулоқот давомида Ўзбекистонда Анҳалт университетининг тўлақонли филиалини очиш бойича фикр алмашилди. Унинг ўқув, услубий ва маъмурий масалаларни ҳал қилишда вазирлик ҳар томонлама қўллаб-қувватлашга тайёр эканлиги билдирилди.