Ўзбекистон ёшлари бандлигини таъминлашда Корея билан ҳамкорлик масалалари муҳокама қилинди
2024-09-20 17:40:00 / Вазирлик янгиликлари
Олий таълим фан ва инновациялар вазири Қўнғиротбой Шарипов Корея Республикасининг Миллий ассамблеяси конгрессмени Kwon Ёунгжин бошчилигидаги делегацияни қабул қилди. Томонлар икки давлат ўртасидаги олий ва профессионал таълим соҳасида амалга оширилаётган ҳамкорлик ишларини янада ривожлантириш борасида музокаралар олиб бордилар.
Хусусан, вазир Қ.Шарипов Ўзбекистоннинг 5 та олий таълим муассасаси Корея Республикасининг 7 та университети билан яқиндан ҳамкорлик қилиб, бакалавриат ва магистратура йўналишлари қўшма таълим дастурлари йўлга қўйилгани ҳақида маълумот бериб ўтди.
– Тошкент шаҳридаги Турин политехника университети ҳамда Жанубий Кореянинг Еунгнам университетининг ҳамкорликдаги янги қўшма таълим дастурининг очилиши жуда қувончли, – деди вазир. – 2+2 шаклида жорий қилинаётган дастур орқали ҳамкорлигимиз янада кенгайиши кутилмоқда.
Томонлар, шунингдек, Ўзбекистон ёшларини иш билан таъминлаш учун таълим соҳасидаги ҳамкорликни кучайтиришга келишдилар.