Хитойнинг Гуандун альянси ва Ўзбекистон Олий таълим, фан ва инновациялар вазирлиги ҳузуридаги Илғор технологиялар маркази ўртасида стратегик ҳамкорлик йўлга қўйилди
2024-08-30 20:00:00 / Вазирлик янгиликлари
Томонлар илмий-техник тараққиётни рағбатлантириш чора-тадбирлари ҳамда илмий-техник ютуқлар трансформацияси механизмларини муҳокама қилдилар.
Шулардан келиб чиқиб, томонлар Гуандун провинцияси билан ҳамкорлик масалаларини кўриб чиқдилар. Бунда ахборот технологиялари, муҳандислик, тадбиркорлик ва бошқа соҳаларда мутахассислар тайёрлаш учун қўшма таълим дастурлари ва курсларини яратилади. Ушбу дастурлар саноат корхоналарида амалиёт ўташни ҳамда Гуангдун провинцияси ва Ўзбекистон Республикасидаги университет ва коллежлар ўртасида талабалар алмашинуви йўлга қўйилади ва мамлакатимизнинг ҳар бур ҳудудида хитой тилига ўқитиш курслари йўлга қўйилади.
Хусусан, Хитойнинг профессионал таълим соҳасидаги тажрибаси эътироф этилиб, Икки давлат мутахассисларининг касбий ўсиши ва ривожланиши, шунингдек, профессор-ўқитувчилар ва илмий ходимлар учун ишлаб чиқариш ва илмий-тадқиқот муассасаларида (амалий) стажировка ва алмашинув дастурларини жорий этиш таклифи илгари сурилди.
Вазир ўринбосари шунингдек Хитойнинг илмий ташкилотлари билан ҳамкорликда Ўзбекистондаги олий таълим муассасаларида спин-офф компанияларни ташкил этиш имкониятларини кўриб чиқишни таклиф қилди.