Нукус давлат педагогика институтининг янги ўқув биноси фойдаланишга топширилди 29 август куни Ажиниёз номидаги Нукус давлат педагогика институтининг икки минг
2024-08-30 14:00:00 / Вазирлик янгиликлари
Тадбирда Қорақалпоғистон Республикаси Жўқорғи Кенгеси Раиси Аманбай Оринбаев, Вазирлар Кенгаши, Олий таълим, фан ва инновациялар вазирлиги, республикадаги олий таълим муассасалари, идора-ташкилотлар масъуллари, маърифатпарвар зиёлилар, институт профессор-ўқитувчилари ҳамда меҳнат жамоаси, кенг жамоатчилик ва оммавий ахборот воситалари вакиллари иштирок этди.
Тадбир иштирокчилари янги ўқув биносида талабаларнинг таҳсил олиши, илмий-тадқиқот ишлари билан шуғулланиши, эгаллаган кўникмаларини мустаҳкамлаши учун яратилган шароитлар билан танишди.
Давлат бюджети ҳисобидан 76 миллиард сўм маблағ ажратилиб, қуриб битказилган ҳамда фойдаланишга топширилган икки минг ўринга мўлжалланган янги ўқув биносида замонавий ўқув ва маъруза аудиториялари, энг сўнгги техника ва технологиялар билан жиҳозланган лабораториялар, ИТ-инкубация, ахборот-ресурс марказлари, бу йилги ўқув йилидан бошлаб барча олий таълим муассасаларида жорий этилаётган регистратор офиси ҳамда бошқа кўпгина имкониятлар яратилган.