Ўзбекистон Республикаси Олий таълим, фан ва инновациялар вазирлиги

Унда вазирлик масъуллари, “Спрингер Натуре” компаниясининг расмий вакиллари ва Жаҳон банки ишчи гуруҳ раҳбари Бексултан Ерали ўз нутқлари билан иштирок этишди. Тадбирда СпрингерЛинк илмий маълумотлар базасининг имкониятлари, шунингдек, платформага уланган университетлар ва илмий-тадқиқот институтлари тадқиқотчиларининг ундан фойдаланганлик бўйича статистик маълумотларга эътибор қаратилди. Шу билан бирга, 2022 йил ноябрига қадар link.springer.com платформасида энг кўп мақола чоп этган ўзбекистонлик олимлар ва фаол университетлар ҳақида маълумотлар берилди.

Олий таълим, фан ва инновациялар вазирлиги билан имзоланган икки томонлама ҳамкорлик шартномаси асосида Спрингер Натуре компанияси 2020 йилдан буён Ўзбекистон таълим ва илмий ташкилотларига нашриётнинг электрон илмий ресурсларининг рейтингидан фойдаланиш имкониятини тақдим этиб келмоқда. Таъкидлаш жоизки, нашриётнинг илмий манбаларига обуна бўлиш ва ўтказилаётган ўқув-семинарлар натижасида Ўзбекистондаги ташкилотлар томонидан журналлар, китоблар ва баённомалардан фойдаланиш бўйича статистик маълумотлар сезиларли даражада ошди, шунингдек, нашриётнинг илмий манбаларидаги хорижий журналларда нашр этилган мақолалар сони ортди. Бу ҳолат нафақат Ўзбекистоннинг илмий изланишларини хорижда эътироф этиш, балки Ўзбекистон Республикаси университетларининг ҚС Ворлд Университй ранкинг, Тҳе Ворлд Университй ранкинг, АРВУ каби хорижий рейтингларда ўринларини эгалланишига ва яхшилашга хизмат қилмоқда.

Форумда “Спрингер Натуре” компанияси 2020-2022 йилларга мўлжалланган ҳамкорлик натижалари, хусусан, Ўзбекистондаги фойдаланувчи ва нашрлар фаолияти тўғрисидаги маълумотларни эълон қилинди, шунингдек, Ўзбекистондаги 210 та ташкилот учун 2023-2025 йилларга мўлжалланган обуна ҳақидаги маълумотларни эълон қилишни режалаштирмоқда. Мазкур тадбирлар, режалаштирилган тақдимот ва чиқишлар нашр самарадорлигини ошириш, илмий нашрлар сифатини ошириш ва сонини кўпайтириш ҳамда Ўзбекистон олимларининг илмий изланишларига замин яратишга қаратилган.

Мазкур семинар давомида олий таълим ва илмий тадқиқот муассасаси ходимлари, илмий-оммабоп журналлар директорлари, бош муҳаррирлари иштирок этишди. Семинар давомида иштирокчиларга илмий журналларнинг халқаро базаларга индексация қилиниш тартиблари ҳамда қоидалари бўйича маълумотлар берилди. Семинар сўнгида иштирокчилар ўзларини қизиқтирган саволларга жавобларни олишди.