5 июнь куни фуқароларнинг олий ва профессионал таълим, фан ҳамда инновациялар соҳаларига оид масалаларига ечим бериш мақсадида вазир Қўнғиротбой Шарипов навбатдаги қабулни ўтказди.
2024-07-05 17:55:00 / Вазирлик янгиликлари
Унда илмий ва амалий лойиҳалар фаолияти, уларнинг натижаларини халқаро миқёсда қўллаш ва тарғиб қилиш, ёш мутахассисларнинг лавозим маошига Давлат бюджети маблағлари ҳисобидан қўшимча устамалар тўлаш, ҳарбий тавсиянома асосида ОТМга ўқишга кириш ва бошқа масалаларга доир мурожаатлар тингланди.
Вазир томонидан лойиҳа муаллифи ва фуқароларнинг ҳар бир мурожаатига тегишли бошқарма раҳбарлари ҳамда масъуллар иштирокида ҳуқуқий тушунтириш ва маслаҳатлар берилди.
Шунингдек, узоқ ҳудудлардан келолмаган, лекин вазир билан учрашишни истаган фуқароларга видеоконференсалоқа воситаси орқали мурожаат йўллаш имконияти ҳам яратилди.
Қабул якунига кўра, фуқароларнинг муаммолари ечими бўйича тегишли мутасаддиларга топшириқлар берилди.