Россия-Ўзбекистон тўртинчи таʻлим форуми доирасида икки давлат ўртасида иқтисодий ҳамкорлик бўйича Ҳукуматлараро комиссия ҳузуридаги Илм-фан ва таълим бўйича қуйи комиссиянинг олтинчи йиғилиши бўлиб ўтди
2024-06-24 12:55:00 / Вазирлик янгиликлари
Жорий йил 24 май куни бўлиб ўтган "Ўзбекистон ва Россия муҳандислик-техника олийгоҳлари конференцияси" натижалари, жумладан Ўзбекистоннинг 6 та олийгоҳида илғор муҳандислик мактабларини ташкил қилиш тўғрисидаги келишувларни икки томонлама амалий ижросини доимий назорат қилиб боришга келишилди.
Россия томони Ўзбекистон фуқароларига ажратиб келинаётган таълим грантлари сонини йилига жорий 800 тадан 1 мингтага етказиш ҳамда республика учун устувор муҳандислик-техника, тиббиёт ва тиббиёт муҳандислиги йўналишлари учун квоталарни ошириш масаласи ишлаб чиқилишини қайд этди.
Йиғилиш якунида Ўзбекистондаги ихтисослаштирилган мактабларни янада ривожлантириш, халқаро фан олимпиадаларини ўтказиш ҳамда илғор таълим модели ва инфратузилмасини ўрганиш мақсадида "Летово" мактаби билан икки томонлама меморандум имзолашга келишилди.