Туркияда таҳсил олувчи ўзбекистонлик талабаларга стипендиялар таъсис этилади
2024-06-05 19:25:00 / Вазирлик янгиликлари
Ўзбекистон Республикаси Президентининг Туркия Республикасига олий даражадаги ташрифи доирасида олий таълим, фан ва инновациялар вазири Қўнғиротбой Шариповни Туркия олий таълим Кенгаши раиси Эрол Ўзвар қабул қилди. Учрашувда икки томонлама ҳамкорликнинг долзарб ва истиқболли йўналишлари хусусида фикр алмашилди.
Туркия олий таълим Кенгаши президенти Эрол Ўзвар ўзбекистонлик талабалар учун Туркия университетларининг докторантура босқичида таҳсил олишга стипендиялар ажратилиши шу йилдан йўлга қўйилишини маълум қилди.