"ТИҚХММИ" Миллий тадқиқот университети ҚС агентлигининг дунё топ-550 университетлари рейтингида
2024-06-05 14:15:00 / Вазирлик янгиликлари
"ТИҚХММИ" Миллий тадқиқот университети "ҚС Quacquarelli Symonds" халқаро рейтинг агентлиги методологиясининг тўққиз кўрсаткичидан олтитасида юқори кўрсаткичларни намоён этди. "Академик нуфуз" кўрсаткичи бўйича дунёнинг энг яхши 300 та олий ўқув юртлари қаторига ва Марказий Осиёдаги энг яхши университетлар учлигига кирди.
Хусусан, рейтингнинг "Ўқитувчи–талаба нисбати" кўрсаткичи (144-ўрин) бўйича дунёнинг 200 та энг яхши университетлари қаторидан жой олди. Бу университетдаги ўқитиш сифати юқорилиги ва талабалар учун таълим ресурслари етарли экани далолатидир. "Академик обрў" индикаторида эса ТИИИМШ 290-ўринни эгаллаб, Марказий Осиё минтақасида учинчи ўринга сазовор бўлди "Иш берувчилар ўртасидаги нуфузи" индикатори бўйича 456-ўринни олди.
"ҚС Quacquarelli Symonds" глобал олий таълим сектори учун хизматлар, тадқиқот ва таҳлиллар тақдим этувчи дунёдаги етакчи рейтинг агентлиги бўлиб, университетлар самарадорлигини қиёсий таққослаш орқали маълумотлар тақдим этувчи дунёдаги энг машҳур манба ҳисобланади. 2023 йилда агентликнинг нуфузли www.TopUniversities.com веб-сайти 170 миллион марта кўрилган ва ушбу сайтдан олинган маълумотлар 124 000 дан ортиқ ахборот агентлиги ва нашрларда чоп этилган.