Вазир ўринбосари Бухородаги олий ва профессионал таълим муассасалари фаолияти билан танишди
2024-05-31 18:25:00 / Вазирлик янгиликлари
Дастлаб Бухоро давлат университетининг мавжуд инфратузилма объектлари, бугунги кунга қадар эришилган ютуқлар, муассаса ҳудудида фаолияти йўлга қўйилган тижорат ташкилотлари, талабаларга турли хизматлар кўрсатиш маркази фаолияти, тадбир ва маросимлар ўтказиладиган йиғингоҳ, спорт заллари, Талабалар турар жойи, "Бизнес акселератор" ҳамда унинг таркибидаги Робототехника маркази билан яқиндан танишиб ўз фикр-мулоҳазаларини билдирди.
Бухоро давлат педагогика институтига ташрифи чоғида Ш. Далиевга "Беш ташаббус" доирасида олиб борилаётган тадбирлар, иқтидорли талабаларнинг фаолияти хусусида маълумотлар берилди. Талабаларнинг бўш вақтларини мазмунли ўтказиш бўйича амалга оширилаётган ишлар юзасидан фикр алмашилди.
Сўнг Бухоро нефть ва газ саноати коллежида бўлиб, муассасада махсус ўқув-амалиёт хоналари ва биноси ҳамда сунъий интеллект марказида амалга оширилган ишларнинг ҳолати ўрганилди.
Вазирнинг биринчи ўринбосари мазкур таълим муассасаларида 2024/2025 ўқув йилларига қабул жараёнларини ташкил этиш масаласига алоҳида тўхталиб, қабулнинг янги тизимини абитуриентлар, уларнинг ота-оналари ва умуман кенг жамоатчиликка етказиш бўйича ташвиқот ишларини кучайтириш бўйича топшириқ берди.