Ўзбекистон Республикаси Олий таълим, фан ва инновациялар вазирлиги

«Ўзбекистон-Италия» мавзусидаги давра суҳбатида О.Маҳкамов билан Италиянинг Пиза, Тушиа, Турин политехника, Перуджи хорижликлар университетлари вакиллари ўртасида қатор музокаралар бўлиб ўтди. Уларнинг натижасига кўра Тошкент шаҳридаги Пиза университети филиалига  геология йўналиши бўйича Италиялик профессор-ўқитувчиларни таклиф қилишга келишилди. Тушиа университети Қишлоқ хўжалиги ва ўрмон фанлари бўлими (ДАФНE), Қишлоқ хўжалиги иқтисодиёти ва сиёсати профессори жаноб Симоне Северини билан археология, қишлоқ хўжалиги, муҳандиклик йўналишларида қўшма таълим дастурларини ҳамда ёзги мактабларни ташкил этишга келишлди.

29 май куни «Италия-Марказий Осиё» ташқи ишлар вазирларининг учинчи конференцияси бўлиб ўтди. Тадбирда Италия ва Марказий Осиё давлатларининг молия, инвестисиялар, саноат ва савдо, энергетика, транспорт, экология, таълим ва илм-фан соҳалари вакиллари иштирок этди.
Конференция панель сессияларига бўлиниб, олий таълим, фан ва инновациялар вазири ўринбосари О.Махкамов «Олий таълим ва билим тармоқлари» мавзусига бағишланган 3-панель сессиясида ўз тақдимоти билан чиқди. О.Махкамов ўз нутқида, Италия Ўзбекистоннинг Европадаги муҳим ва ишончли ҳамкорлиги ҳамда мамлакатларимиз ўртасидаги муносабатларни стратегик шериклик даражасига кўтарилганини алоҳида таъкидлаб ўтди. 

Бундан ташқари, Италия Университетлар ва тадқиқотлар вазири Анна Мария Бернини билан учрашув бўлиб ўтди. А.Бернини университетлар билан ҳамкорлик алоқаларини йўлга қўйиш ва кенгайтириш, Италия университетларининг Ўзбекистонда янги филиалларини очиш, Италияда муҳандислик ва техника, геология, қишлоқ хўжалиги технологияси ва бошқа йўналишлар бўйича илмий тадқиқот дастурларини амалга ошириш ва уларни молиялаштиришга қизиқиш билдирди.

Шу билан бирга, 2024 йил сентябрь ойи охирида Ўзбекистон ва Италия университетларининг биринчи форумини Тошкентда ўтказиш ва Италия делегасиясига вазир А.Бернини шахсан ўзи раҳбарлик қилишга тайёрлигини маълум қилди.