Ўзбекистон Республикаси Олий таълим, фан ва инновациялар вазирлиги

Тадбирни Ўзбекистон Республикаси Олий таълим, фан ва инновациялар вазирининг биринчи ўринбосари Шоҳрух Далиев очиб бериб, Вазирлик томонидан олимлар ва тадқиқотчилар учун яратилган имкониятлар ва илмий фаолият кўрсаткичларига алоҳида эътибор қаратди. Шунингдек тадбирда, Инновацион ривожланиш агентлиги ҳузуридаги Илмий-техник ахборот маркази директори Азизбек Баходиров Марказнинг халқаро илмий нашриётлар билан ҳамкорлиги, эришилган келишувлар натижасида республика олимлари учун яратилаётган имкониятлар, илмметрия йўналишида амалга оширилган ишлар таҳлили бўйича сўз юритди.

  «Springer Nature» ҳудудий вице-президенти Асдаа Катани компаниянинг фаолияти, ривожланиш тарихи, истиқболлари ва ҳозирги кунда компания томонидан олим ва тадқиқотчиларга берилаётган имкониятлар ҳақида тақдимот қилди. Шунингдек, «Springer Nature» компаниясининг Марказий Осиёдаги вакили Ирина Александрова 2019-2023 йиллар давомида Ўзбекистон олимларининг ноширлик фаолияти ҳамда чоп этилган мақолалар сони ва фойдаланиш кўрсаткичлари бўйича таҳлилий маълумотларни тақдим этди.

  Тадбир доирасида «Springer Nature» вакиллари Ўзбекистон олимлари ва тадқиқотчилари томонидан чоп этилган мақолалар, китоблар ва монографиялар бўйича таҳлиллар ҳақида маълумот беришди. Шунингдек, тадбирда 2019-2023 йилларда энг кўп мақола чоп этган 10 та илмий муассаса ва 5 та муаллифни тақдирлаш маросими бўлиб ўтди. Ғолиблар «Springer Nature» томонидан сертификат ва эсдалик совғалар билан тақдирланди.

Жумладан:

1.Юсуфжон Гаффоров, Янги Ўзбекистон университети, Ҳаёт ҳақидаги фанлар бўйича «Springer Nature» журналларида  2019 йилдан 2023 йилгача 13 та мақола чоп этган ҳамда «Ўзбекистон этнобиологияси – 2023» китоби муҳаррири;

2. Анорбаев Абдулхамиджон, Ўзбекистон Республикаси Фанлар Академияси Миллий археология маркази, Ер ҳақидаги фанлар бўйича 2019 йилдан 2023 йилгача «Springer Nature» журналларида 10 та мақола чоп этган;

3. Рустам Юлдашев, Тошкент педиатрия тиббиёт институти болалар хирургияси кафедраси,  «Springer Nature» журналларида 2019 йилдан 2023 йилгача 4 та мақола чоп этган;

4. Николай Игнатев, Мирзо Улугбек номидаги Озбекистон Миллий университети,  Springer Nature журналларида 2019 йилдан 2023 йилгача 3 та мақола мақола чоп этган;

5. Дилфуза Эгамбердиева, Тошкент ирригация ва қишлоқ хўжалигини механизациялаш муҳандислари институти, «Springer Nature» нашриётида чоп этилган 7 та китобнинг муаллифи ҳамда ушбу китоблар таҳрири билан шуғулланган. Шунингдек, ҳаёт ва атроф-муҳит фанлари соҳасида 20 дан ортиқ мақолалар чоп этган.