Расмий муносабат
2024-04-06 10:50:00 / Вазирлик янгиликлари
Манфаатдор вазирлик ва идоралар қўшма қарори билан тасдиқланган "2023 йил учун олий таълимдан кейинги таълим институтларига (ПҳД/ДСc) ҳамда стажёр-тадқиқотчилик институтига ўқишга қабул қилишда танловларни ўтказиш тартиби" асосида талаб даражасида тил билиш сертификатини тақдим эта олмаган изланувчиларга 2023 йил охиригача, баъзи олий таълим муассаса ва илмий ташкилотларда жорий йилнинг май ойигача имконият берилган.
Ҳозирги кунда талабгорлардан TOEFL сертификатини талаб қилиш бекор қилинмаган ва уни бекор қилиш режалаштирилмаган.
Олий таълим, фан ва инновациялар вазирлиги томонидан хорижий тилларни билиш даражасини баҳоловчи сертификатлар рўйхати заруратга қараб такомиллаштирилиб борилади.
Бунда, амалдаги рўйхат бекор қилинмасдан, балки рўйхатга янги сертификат турлари киритилиши ёки айрим сертификатлар рўйхатдан чиқарилиши мумкин.
Рўйхатдан қайсидир сертификат чиқарилган тақдирда, ушбу санага қадар олинган сертификатлар қабул қилинади.