НДКТУдаги илмий тадқиқот ишлари билан танишилди
2024-04-29 11:25:00 / Вазирлик янгиликлари
Олий таълим, фан ва инновациялар вазирининг биринчи ўринбосари Шоҳрух Далиев куни кеча Навоий давлат кончилик ва технологиялар университетида бўлиб, мазкур олий таълим муассасаси фаолияти билан яқиндан танишди.
Хусусан, Ш.Далиев университет лабораторияларидаги иш жараёнлари, моддий-техник базани кўздан кечирар экан талабаларнинг инновацион ғоялар устида ишлаши учун яратилган имкониятларга аҳамият қаратди, ёшлар билан самимий мулоқот ўтказди.
Шунингдек, бугунги кунда муассасада иш олиб бораётган хорижий ва маҳаллий компания ва университетларнинг вакиллари билан суҳбат жараёнида ҳамкорлик кўлами, келгусидаги режаларга эътибор қаратилди ҳамда таклифлар таҳлил қилинди. Вазир ўринбосари талаба-қизларнинг техника соҳаси турли йўналишларида олиб бораёган илмий фаолиятини алоҳида эътироф этди.