Jizzax shahrida "Rahbar va yoshlar" uchrashuvi tashkil etildi.
2025-06-30 / Voqealar taqvimi
Joriy yilning 28-iyun kuni Jizzax shahrida "30-iyun - Yoshlar kuni" munosabati bilan Pensiya jamgʻarmasi tizim yoshlari ishtirokida bayram tadbiri boʻlib oʻtdi. Tadbirda Pensiya jamgʻarmasi rahbariyati soʻzga chiqib yoshlarni bayram bilan qutladi.
Bunda mamlakatimizda yoshlar uchun yaratilayotgan imkoniyatlar, tizimda yoshlar salmogʻi ortib borayotganligi, "Ustoz-shogird" anʼanasining yoʻlga qoʻyilganligi, Prezident tashabbuslari va davlat siyosatida yosh avlodga qaratilayotgan eʼtibor haqida alohida toʻxtalib oʻtildi.
Tadbir davomida Pensiya jamgʻarmasining yosh xodimlari oʻzlarini qiziqtirgan savollariga rahbariyat tomonidan batafsil javoblar olishdi. Suhbat erkin va samimiy muhitda oʻtib, barcha tadbir ishtirokchilari oʻz fikr va takliflari bilan oʻrtoqlashdi.
Oʻz navbatida mehnat faoliyati davomida katta yutuqlarga erishgan yoshlar taqdirlanishdi.
Shuningdek, Pensiya jamgʻarmasi ijro etuvchi apparati xodimlari boshchiligida yoshlarning vaqtlarini maroqli oʻtkazish maqsadida Jizzax shahridagi Zulfiyaxonim va Sharof Rashidov muzeylariga hamda Zomin sihatgohiga tashriflar uyushtirildi.