Chorvachilikning sutchilik tarmogʻini jadal rivojlantirish hamda sut mahsulotlarini qayta ishlovchi korxonalarning moliyaviy barqarorligini oshirish, shuningdek, Xalqaro qishloq xoʻjaligini rivojlantirish jamgʻarmasi (keyingi o’rinda - QXRXJ) bilan hamkorlikni yanada kengaytirish maqsadida O‘zbekiston Respublikasi Prezidentining 2025-yil 14-maydagi QXRXJ ishtirokidagi “Oʻzbekistonning sutchilik sohasida qoʻshilgan qiymat zanjirini rivojlantirish (2-bosqich)” loyihasini amalga oshirish chora-tadbirlari toʻgʻrisida PQ-172-son qarori qabul qilingan.

1. Mazkur qarorda belgilangan topshiriqlar ijrosini ta’minlash maqsadida, Veterinariya va chorvachilikni rivojlantirish Qo‘mitasi Raisining 2025-yil 19-maydagi 79-i/ch sonli buyrug‘iga asosan yuridik maqomga ega bo‘lgan Loyihani amalga oshirish guruhi (LAOG) tashkil etildi.

2. Davlat xizmatlari markazi tomonidan 2025-yil 3-iyunda №2839228-sonli guvohnoma bilan ro‘yxatga olindi.

3. QXRXJ ning qarzidan foydalanish tartibi toʻgʻrisidagi “Nizom” Markaziy bank, Iqtisodiyot va moliya vazirligi hamda Qoʻmita tomonidan 2025-yil 31-iyulda imzolandi. Ushbu Nizomga 2025-yil 9-dekabrda tegishli qoʻshimcha va oʻzgartirishlar kiritildi.

5. Loyiha doirasida sut mahsulotlari qiymat zanjiriga kiruvchi barcha bosqichlarni qamrab olgan kichik oilaviy korxonalar, dexqon, fermer va tomorqa xoʻjaliklarning moddiy texnik bazasini mustahkamlash, ularning ishlab chiqarish salohiyatini oshirishni qoʻllab-quvvatlash uchun 15,5 mln AQSh dollar miqdorda kredit mablagʻlariga boʻlgan ehtiyojning miqdorini aniqlash maqsadida 9 ta Oʻzbekiston Respublikasi tijorat banklariga 2025-yil 16-iyunda 03/22-1748-son xat bilan murojaat yuborildi.

6. 2025-yil 29-avgustda QXRXJ kredit mablagʻlaridan foydalanish boʻyicha AT “Xalq banki” bilan 2 mln va AT “Aloqa banki” bilan 4 mln AQSh dollari miqdorida Qayta kreditlash bitimlari imzolandi. Hozirda ushbu tijorat banklari bilan imzolangan bitimga tegishli oʻzgartirishlar kiritilmoqda.

7. ATB Hamkorbank bilan QXRXJ kredit mablagʻlaridan foydalanish boʻyicha 3 mln AQSh dollariga teng bitim imzolash jarayonida.

8. Investitsiyalarni jalb qilish, sanoatni rivojlantirish va savdoni tartibga solish masalalari bo‘yicha Hukumat komissiyasining 2025-yil 26-dekabrdagi yig‘ilishining 322-sonli bayonida Iqtisodiyot va moliya vazirligi hamda ATB “Mikrokreditbank” va ATB “Turon banki”ga loyiha doirasida taqsimlanmagan 6,5 mln dollar miqdordagi kredit mablag‘larining o‘zlashtirilishi bo‘yicha (ATB “Mikrokreditbank” 4,5 mln dollar, ATB “Turon banki” 2 mln.dollar) “Qayta kreditlar bitimlari” imzolanishi topshirilgan. Ushbu topshiriq yuzasidan Qo’mita tomonidan banklarga murojaat xatlari 2026 yil 5 yanvarda yuborilgan.

9. Loyihaning 1-komponenti doirasida belgilangan tadbirlarni amalga oshirishda texnik yordam ko‘rsatish maqsadida Konsultant kompaniya yollash bo’yicha tender savdolari 2025-yil 20-oktabrda Qo‘mitaning rasmiy www.vetgov.uz veb-sayti va tenderweek.com veb-saytlarida e’lon qilindi. Tender yakunlari bo‘yicha Konsultant kompaniya bilan shartnoma 2025-yil 30-dekabrda imzolandi.

10. Buxgalteriya hisobi uchun dasturiy ta’minotni va unga oid xizmatlarni yetkazib berish bo’yicha tender savdolari 2025-yil 22-oktyabrda e’lon qilindi. Tender yakunlari bo‘yicha yetkazib beruvchi kompaniya bilan shartnoma 2025-yil 12-noyabrda imzolandi.