Qo‘mita mutaxassislari xalqaro ilmiy-amaliy seminarda qatnashdi.
2025-06-30 15:00:00 / Yangiliklar
Qo‘mita huzuridagi Naslchilik ilmiy ishlab chiqarish markazi direktori Olim Mamatqulov va Samarqand davlat veterinariya, chorvachilik va biotexnologiyalar universiteti o‘qituvchilari Indoneziyaning Singosari sunʼiy urug‘lantirish Milliy markazi hamda Islom taraqqiyot banki hamkorligida tashkil etilgan Islom taraqqiyot bankiga aʼzo davlatlarda sunʼiy urug‘lantirishni boshqarish mavzusidagi II xalqaro ilmiy-amaliy seminarda ishtirok etdi.
Anjumanning uchinchi kuni O‘zbekistonda sunʼiy urug‘lantirishni tashkil etish va boshqarish bo‘yicha ko‘rgazmalar taqdimot qilindi. Zotdor buqalar urug‘ini olish, zamonaviy uskunalarda qadoqlash va chuqur muzlatilgan holda joylarga yetkazib berish tizimi bo‘yicha axborot berildi. Shuningdek, yurtimizda sunʼiy urug‘lantirish bilan birga embrion ko‘chirib o‘tkazish borasidagi izlanishlar ham taqdim qilindi.
Tadbir davomida Xalqaro epizootik byuroning bu yilgi sessiyasida tashkilot bosh kotibi Emmanuyela Subeyran xonim tomonidan veterinariya sohasidagi O‘zbekiston tajribasi tashkilotga aʼzo davlatlarga tavsiya etilganligi, shuningdek qo‘mita raisi Bahrom Norqobilovning “Xizmatlari uchun” medaliga sazovor bo‘lgani yana bir bor eʼtirof etildi.