Aziz yurtdoshlar!

Yurtimizning maʼnaviy hayotida beqiyos o‘rin egallagan, jamiyatimizda o‘zaro hurmat, mehr-oqibat va bag‘rikenglik tamoyillarini o‘zida mujassam etgan muborak Qurbon hayiti bayrami barchamizga muborak bo‘lsin!

Bugun jonajon xalqimiz katta intiqlik bilan kutib olayotgan ushbu qutlug‘ ayyom bilan siz azizlarni, barcha vatandoshlarimizni chin qalbimdan samimiy tabriklayman.

Shunday muqaddas kunlarda sizlarga, butun el-yurtimizga sihat-salomatlik, tinchlik-omonlik, baxtu saodat tilayman.

Yer yuziga Allohning rahmati yog‘ilib turgan ushbu saodatli kunlarda barcha pok niyatlarimiz ijobat bo‘lishini, yurtimizni turli balo-qazolardan asrashini, birdamlik, do‘stlik va ahillik tuyg‘ularimiz yana-da ziyoda bo‘lishini Yaratgandan so‘rab qolaman.

Ezgu intilishlarimizda Alloh taolo hamisha madadkor bo‘lsin!

Qadrli vatandoshlar!

Fursatdan foydalanib, barcha vatandoshlarimizni, jumladan yurtimizda faoliyat olib borayotgan barcha veterinar va chorvadorlarni muborak Qurbon hayiti ayyomi bilan samimiy qutlayman!

Xonadonlarimizda tinchlik-osoyishtalik, fayzu baraka bardavom bo‘lsin! Sizlarga sog‘lik-salomatlik, baxtu-saodat, xonadoningizga qut-baraka va ishingizda muvaffaqiyatlar tilayman!

Muborak Qurbon hayitining qadami qutlug‘ kelib, elimizni barcha sinovlardan forig‘ etsin!

Bahrom NORQOBILOV,

Veterinariya va chorvachilikni rivojlantirish qo‘mitasi raisi.