Talabalar S.Yesenin uy-muzeyiga tashrif buyurishdi.
2025-04-25 10:10:00 / Ma'naviyat va ma'rifat
O‘zbek va xorijiy tillar kafedrasi o‘qituvchilari N.Ishanova va Z.Nazirova tomonidan kafedra oyligi doirasida mashhur rus shoiri Sergey Yesenin xotirasiga bag‘ishlangan uy-muzeyiga talabalarning tashrifi tashkil etildi.
✅Tashrif davomida talabalar Yeseninning 1921-yilda Toshkentga kelgan vaqtida yashagan uyi, asarlari, shuningdek, o‘sha davrdagi toshkentlik ijodkor do‘stlari haqidagi qiziqarli ma’lumotlarni eshitdilar. Ekskursiyaga muzey asoschisi, yozuvchi va taniqli publitsist Boris Anatolyevich Golender rahbarlik qildi.
✅B.Golender talabalar bilan she’riyatning inson hayotidagi o‘rni, tarjima san’ati va Yesenin asarlarining o‘zbek tilidagi namunalari xususida suhbat olib bordi. U mashhur “Fors taronalari” she’riy turkumi Erkin Vohidov tomonidan uslub va mazmunni asrab, mohirlik bilan tarjima qilinganini alohida ta’kidladi.