Veterinariya va chorvachilikni rivojlantirish qo‘mitasida markaziy apparat hodimlari, respublika tizim tashkilolari va viloyatlar boshqarmalari rahbarlari ishtirokida tadbir bo‘lib o‘tdi.
2025-03-19 10:05:00 / Yangiliklar
2025-yil 19-mart kuni Veterinariya va chorvachilikni rivojlantirish qo‘mitasida markaziy apparat, tizim tashkilolari va viloyatlar boshqarmalari rahbarlari ishtirokida 2025-yil 5-mart kuni O‘zbekiston Respublikasi Prezidenti raisligida bo‘lib o‘tgan korrupsiyaning oldini olish bo‘yicha ishlar natijadorligi va kelgusidagi ustuvor vazifalarga bag‘ishlangan kengaytirilgan yig‘ilishda belgilangan vazifa va maqsadlar ijrosi yuzasidan tadbir o‘tkazildi.
Qo‘mita raisi B.Norqobilov rahbarligida o‘tgan tadbirda Bosh prokuratura maʼsul xodimi adliya katta maslahatchisi Xalilov Umarbek Yaxshibayevich ishtirok etdi.
Tadbirda korrupsiya holatlarining oldini olish, manfaatlar to‘qnashuvi bilan bog‘liq vaziyatlarni bartaraf qilish, qo‘mita, uning tizim tashkilotlari, viloyat boshqarmalari va huquqni muhofaza qilish organlari hamkorligini davom ettirish zarurligi, komplayens nazorat tuzilmalar xodimlarining xushyorligini oshirish davr talabi ekani taʼkidlandi. Tadbir ishtirokchilari masʼullardan o‘zlarini qiziqtirgan barcha savollarga javob oldilar.