Kredit raqami: 7295-UZ

QIZIQISHLARNI BILDIRISH UCHUN SO‘ROV

Chorvachilikda energiya tejash bo‘yicha kredit liniyasi manfaatdorlarining talablarini ishlab chiqish bo‘yicha individual maslahatchi

SLSDP/IC/03

Chorvachilik jamiyat hayotida muhim rol o‘ynaydi va turli vazifalarni bajaradi. Asosiy vazifasi oziq-ovqat mahsulotlarini ishlab chiqarish bo‘lib, bu esa mamlakat va uning hududlarining oziq-ovqat va iqtisodiy xavfsizligini ta'minlashga bevosita ta’sir qiladi. Bundan tashqari, soha atrof-muhit sifatini saqlash, aholining bandligini ta’minlash hamda qishloq joylarining ijtimoiy-iqtisodiy rivojlanishiga xizmat qiladi.

Loyihaning maqsadi O‘zbekistonda samarali, bozorga yo‘naltirilgan, barqaror va inklyuziv chorvachilik sohasini rivojlantirishga ko‘maklashishdan iborat.

Loyiha chorvachilik sohasini transformatsiya qilishga qaratilgan bo‘lib, bu orqali hayvonot mahsulotlariga ortib borayotgan talab va iqlim xavflariga samarali javob bera oladigan barqaror chorvachilik tizimlari yaratiladi.

Loyiha doirasida quyidagi komponentlar amalga oshiriladi:

1. 1-komponent: “Chorvachilik sohasida davlat xizmatlarini kuchaytirish”;

2. 2-komponent: “Bozor infratuzilmasi va qo‘shilgan qiymat zanjirlarini mustahkamlash, savdoni soddalashtirish”;

3. 3-komponent: “Chorvachilikda “yashil” va iqlimga moslashgan qo‘shilgan qiymat zanjirlari”;

4. 4-komponent: “Loyihani boshqarish va muvofiqlashtirish”.

Loyiha Qoraqalpog‘iston Respublikasi va O‘zbekiston Respublikasining barcha viloyatlarida 2023 yildan 2028 yilgacha amalga oshiriladi.

Vazifa maqsadi – bu kredit liniyasi doirasidagi sub-loyihalarga ariza topshiruvchilar tomonidan ishlab chiqilishi lozim bo‘lgan energiya tejash bo‘yicha harakat rejalari (shu jumladan, energiya sarfini baholash rejasi) va arizalarni tanlash mezonlarini ishlab chiqishdan iborat.

Nomzodlarga qo‘yiladigan minimal talablar:

Maslahatchi quyidagi minimal talablarga javob berishi lozim:

• Qishloq xo‘jaligi sohasida ilmiy daraja;

• Qishloq xo‘jaligida energiya samaradorligini oshirish bo‘yicha kamida 3 ta loyihada ishtirok etgan bo‘lishi;

• O‘zbekistonda qishloq xo‘jaligini rivojlantirishga qaratilgan kamida 3 ta loyihada ishtirok etgan bo‘lishi;

• Quyidagi energiya samaradorligi bo‘yicha mahalliy qonunchilikni bilishi:

  • O‘zbekiston Respublikasi Qonuni ZRU-940, 2024 yil 7 avgust – “Energiya tejash, undan oqilona foydalanish va energiya samaradorligini oshirish to‘g‘risida”;

  • O‘zbekiston Respublikasi Prezidentining 2019 yil 22 avgustdagi PQ–4422-son qarori – “Iqtisodiyot tarmoqlari va ijtimoiy sohada energiya samaradorligini oshirish, energiya tejovchi texnologiyalarni joriy qilish hamda qayta tiklanadigan energiya manbalarini rivojlantirish bo‘yicha tezkor choralar to‘g‘risida”;

• O‘zbek, rus va ingliz tillarini erkin bilishi talab etiladi.

Maslahatchi Jahon bankining xaridlar bo‘yicha qo‘llanmasiga muvofiq individual maslahatchilarni tanlash tartibi asosida tanlanadi.

Qiziqqan ishtirokchilar dushanbadan jumagacha, soat 9:00 dan 18:00 gacha (Toshkent vaqti bilan) quyidagi manzil orqali qo‘shimcha ma’lumot olishlari mumkin.

Qiziqish bildirgan maktublar 2024 yil 28 oktabr kuni soat 16:00 dan kechiktirmay quyidagi manzilga taqdim etilishi lozim:

“Chorvachilik sohasini rivojlantirish (2-bosqich)” loyihasi ijro guruhi
O‘zbekiston Respublikasi, 100022
Toshkent shahri, Yakkasaroy tumani, Ko‘shbegi ko‘chasi, 22-uy, 3-qavat (Xaridlar bo‘limi)
Telefon: (+998 97) 155 50 54; (+998 90) 940 55 12
Email: slsdp.procurement@gmail.com