Sanoat kooperatsiyasi asosida xonadonlarda o‘rdakchilik xo‘jaliklari tashkil etiladi
2026-07-31 16:15:00 / Yangiliklar
Prezidentimizning 2025-yil 31-oktyabrdagi "Aholini
oziq-ovqat mahsulotlari bilan barqaror ta’minlashga doir qo‘shimcha chora-tadbirlar to‘g‘risida"gi PQ 322-son qarori mamlakatimizda parrandachilik sohasini yangi bosqichga olib chiqish, aholini sifatli oziq-ovqat mahsulotlari bilan ta’minlashga xizmat qilmoqda.
Mazkur qarorga muvofiq:
Keyingi uch yilda respublikada parrandalar bosh sonini 140 million boshga yetkazish vazifasi belgilangan.
Parrandachilik subyektlariga ozuqa va ozuqa qo‘shimchalari hamda naslli bir kunlik jo‘jalarni xarid qilish uchun olingan kreditlar bo‘yicha foiz xarajatlarining bir qismi qoplab beriladi.
2026–2030-yillar davomida mahalliy ishlab chiqaruvchilardan go‘sht yo‘nalishidagi naslli bir kunlik jo‘jalar xarid qilinishi uchun subsidiya ajratiladi.
O‘quv seminarida Tataristonlik investor tomonidan Toshkent viloyatining Oqqurg‘on tumanidagi “UT AGRO FIA” korxonasi tajribasi asosida respublika hududlari xonadonlarida namunaviy naslli o‘rdak boqish madaniyatini shakllantirish, oilaviy tadbirkorlikni rivojlantirish orqali uy-xo‘jaliklari moddiy manfatdorligini oshirish va aholini sifatli oziq-ovqat mahsulotlari bilan ta’minlash ishlarini tashkil etish masalalariga alohida e’tibor qaratildi.