Farg‘ona viloyati veterinariya boshqarmasida 2025-yil yakunlari va 2026-yil rejalari muhokama qilindi
2026-02-06 15:00:00 / Yangiliklar
O‘zbekiston Respublikasi Veterinariya va chorvachilikni rivojlantirish qo‘mitasi raisi Sh. Djabbarov hamda Farg‘ona viloyati hokimining o‘rinbosari A. Tursunov rahbarligida viloyat veterinariya boshqarmasi va uning tizimida faoliyat yuritib kelayotgan xodimlar ishtirokida yig‘ilish bo‘lib o‘tdi.
Yig‘ilishda 2025-yil davomida erishilgan yutuqlar va yo‘l qo‘yilgan kamchiliklar atroflicha muhokama qilinib, 2026-yil uchun ustuvor vazifa va rejalar belgilab olindi.
Shuningdek, tashkiliy masala ham ko‘rib chiqildi. Qo‘mita raisining 2026-yil 3-fevraldagi tegishli buyrug‘iga muvofiq, Abdusamiyev Azizbek Anvarjon o‘g‘li Farg‘ona viloyati veterinariya va chorvachilikni rivojlantirish boshqarmasi boshlig‘i lavozimiga tayinlandi.
Abdusamiyev Azizbek Anvarjon o‘g‘li 1989-yilda Farg‘ona viloyatida tug‘ilgan, ma’lumoti oliy, veterinariya vrachi. U 2011-yildan buyon Veterinariya qo‘mitasi va uning tizimida turli lavozimlarda, jumladan, bosh mutaxassis, punkt boshlig‘i, bo‘lim boshlig‘i hamda boshqarma boshlig‘i o‘rinbosari sifatida samarali faoliyat yuritib kelmoqda.