Energetika obyektlarida teplovizor ko‘riklari amalga oshirilmoqda
2025-06-24 09:50:00 / Yangiliklar
Energetika obyektlarida teplovizor ko‘riklari amalga oshirilmoqda
O‘zenergoinspeksiya Namangan viloyat hududiy boshqarmasi tomonidan energetika obyektlarida o‘tkazilgan teplovizor ko‘riklarida elektr qurilmalarning meyoridan ortiq qizish bilan bog‘liq holatlar o‘rganilmoqda.
Misol uchun, Namangan tumanida joylashgan 529-sonli transformator punktining elektr qurilmalari teplovizor bilan o‘lchanganda kontaktlardagi harorati 106 ºC ni tashkil etgan. Bu ko‘rsatkich meyoriy ko‘rsatkichdan yuqori hisoblanadi.
Mazkur holatlar bo‘yicha Inspeksiya tomonidan mas’ullarga tegishli ko‘rsatmalar berildi va uning bajarilishi nazoratga olindi.
Ma’lumot o‘rnida: energetika obyektlaridagi qurilmalar qizishlarini bartaraf etish bo‘yicha o‘z vaqtida choralar ko‘rilmasligi uskunalarni shikastlanishiga sabab bo‘luvchi holatlarni yuzaga keltirishi mumkin.