Energetika xavfsizligi konsepsiyasini ishlab chiqish bo‘yicha amalga oshirilishi lozim bo‘lgan ishlar muhokama qilindi
2024-12-14 15:00:00 / Yangiliklar
Bugun, 14-dekabr kuni Bosh prokuror Nig‘matilla Yo‘ldoshev va O‘zbekiston Respublikasi Prezidenti Administratsiyasi rahbarligida o‘tkazilgan yig‘ilishda mamlakatning Energetika xavfsizligi konsepsiyasini ishlab chiqish bo‘yicha amalga oshirilishi lozim bo‘lgan ishlar muhokama qilindi.
Yig‘ilishda, prokuratura, bojxona qo‘mitasi, ichki ishlar, energetika, favqulodda vaziyatlar, suv xo‘jaligi, oliy ta’lim, fan va innovatsiyalar vazirliklari, O‘zenergoinspeksiya, gaz, elektr ta’minoti va boshqa idoralar ishtirok etdi.
Bosh prokuratura, Energetika vazirligi hamda manfaatdor vazirlik va idoralar, ilmiy muassasalar, yirik strategik korxonalar vakillaridan iborat ishchi guruhi tuzib, ilg‘or xorijiy tajribani o‘rgangan holda joriy yil 25-dekabrga qadar mamlakatning Energetika xavfsizligi konsepsiyasini ishlab chiqish bo‘yicha topshirig‘i berildi.
Yig‘ilish ishtirokchilarning taklif va mulohazalari eshitilib, konsepsiya loyihasini ishlab chiqishga kirishildi.