“G‘ijduvonsoy” sel sum ombori qurilishi hududida geologik o‘rganish ishlari olib borilmoqda
2026-10-23 09:15:00 / Yangiliklar
Mazkur loyihalar suv resurslaridan samarali foydalanish, yog‘ingarchilik va sel suvlarini to‘plash, mavjud suv zaxiralarini ko‘paytirish hamda hududlarda suv ta’minoti barqarorligini oshirishga qaratilgan.
Ushbu vazifalar ijrosini ta’minlash maqsadida Samarqand viloyatida qurilishi rejalashtirilgan «G‘ijduvonsoy» sel suv ombori hududida geologik o‘rganish ishlari olib borilmoqda. Mazkur jarayon viloyat hokimining suv xo‘jaligi masalalari bo‘yicha ilmiy maslahatchisi I. Ro‘ziyev tomonidan joyiga chiqqan holda o‘rganildi.
O‘rganish davomida hududning geologik xususiyatlari, yer qatlamlarining tarkibi va holati, shuningdek, suv omborini qurishda muhim ahamiyatga ega bo‘lgan tabiiy omillar ko‘rib chiqildi. Geologik tadqiqotlar natijalari inshoot qurilishi uchun hududning muhandislik-geologik sharoitlarini baholash, loyihalash jarayonida zarur ma’lumotlardan foydalanish va qurilish ishlarini belgilangan talablar asosida tashkil etishda muhim ahamiyat kasb etadi.
Ayni paytda hududni kompleks o‘rganish, zarur ilmiy ma’lumotlarni to‘plash va tahlil qilish orqali kelgusida amalga oshiriladigan qurilish ishlari uchun puxta asos yaratishga alohida e’tibor qaratilmoqda.