O‘zbekiston Respublikasi Vazirlar Mahkamasining

qarori

Qarshi shahrining bosh rejasini tasdiqlash to‘g‘risida

Qarshi shahrini kompleks rivojlantirish, qurilish ishlarini rejalashtirish, mazkur ishlarning sifati va darajasini oshirish, shaharning me’moriy-rejalashtirish qiyofasini hamda infratuzilmasini yanada yaxshilash maqsadida Vazirlar Mahkamasi qaror qiladi:

1. Quyidagilar:

a) O‘zbekiston Respublikasi Prezidentining “2018 — 2022-yillarda aholi punktlarini bosh rejalar bilan ta’minlash, loyiha tashkilotlari faoliyatini yaxshilash, shuningdek, shaharsozlik sohasida mutaxassislar tayyorlash sifatini oshirish chora-tadbirlari to‘g‘risida” 2018-yil 2-fevraldagi PQ-3502-son qaroriga muvofiq shaharlar va shahar posyolkalarining bosh rejalari loyihalarini ishlab chiquvchi etib belgilangan “O‘zshaharsozlikLITI” bosh loyiha instituti davlat muassasasi (keyingi o‘rinlarda — bosh loyiha tashkiloti) tomonidan Qarshi shahri bosh rejasining loyihasi ishlab chiqilganligi;

b) Qarshi shahri bosh rejasining loyihasi Vazirlar Mahkamasi huzuridagi Respublika arxitektura-shaharsozlik kengashi bilan kelishilganligi;

v) ishlab chiqilgan Qarshi shahri bosh rejasining loyihasida 2042-yilgacha bo‘lgan davrda Qarshi shahrining Koson, Qarshi va Ko‘kdala tumanlari hududiga (7 767 gektar) kengayishi hisobga olinganligi ma’lumot uchun qabul qilinsin.

2. Bosh loyiha tashkiloti tomonidan ishlab chiqilgan va Vazirlar Mahkamasi huzuridagi Respublika arxitektura-shaharsozlik kengashi bilan kelishilgan Qarshi shahrining bosh rejasi 1 va 2-ilovalarga muvofiq asosiy yechimlari va texnik-iqtisodiy ko‘rsatkichlari bilan birgalikda tasdiqlansin.

3. Qashqadaryo viloyati hokimligi:

a) O‘zbekiston Respublikasi Qurilish va uy-joy kommunal xo‘jaligi vazirligi, Investitsiyalar, sanoat va savdo vazirligi, Iqtisodiyot va moliya vazirligi, boshqa manfaatdor vazirlik hamda idoralar bilan birgalikda uch oy muddatda qisqa, o‘rta va uzoq muddatli istiqbolga mo‘ljallangan qurilish hamda xorijiy investitsiyalarni jalb qilishni rejalashtirishni hisobga olgan holda, Qarshi shahrining bosh reja loyihasini amalga oshirish bo‘yicha kompleks chora-tadbirlar dasturini ishlab chiqsin va tasdiqlash uchun Vazirlar Mahkamasiga kiritsin;

b) mazkur qarorga asosan tasdiqlangan Qarshi shahrining bosh rejasi loyihasiga muvofiq Qarshi shahri chegarasini o‘zgartirish yuzasidan iltimosnomani belgilangan tartibda Vazirlar Mahkamasiga taqdim etsin;

v) manfaatdor vazirliklar, idoralar va xo‘jalik birlashmalari bilan birgalikda quyidagilarni ta’minlasin:

bosh reja va batafsil rejalashtirish loyihalarida belgilangan ko‘chalarning qizil chiziqlari doirasidagi maydonlarda jismoniy va yuridik shaxslar tomonidan yer uchastkalarining bosh rejaga zid ravishda egallab olinishini cheklash;

bosh rejaga asosan yo‘l infratuzilmasini rivojlantirish, sanoat zonasi, savdo va maishiy xizmat ko‘rsatish, ko‘kalamzorlashtirish va daraxt ekish uchun mo‘ljallagan rekreatsiya zonalarida boshqa maqsadlar uchun bosh rejaga zid ravishda obyektlarni joylashtirish hamda qurilish ishlarini amalga oshirishga yo‘l qo‘ymaslik maqsadida doimiy nazorat o‘rnatilishini ta’minlash;

bino va inshootlarni joylashtirishda tarixiy zona va shaharning boshqa hududlarida joylashgan madaniy yodgorliklarning muhofaza zonalari talablariga qat’iy rioya etilishini ta’minlash;

energiya tejamkor zamonaviy texnologiyalarni joriy etish orqali suv ta’minoti, oqova suv, irrigatsiya, elektr energiyasi, gaz, issiqlik va telekommunikatsiyalar ta’minoti obyektlarini modernizatsiya qilish;

hududning shaharsozlik qiyofasini shakllantiruvchi mavjud maydonlar, obodonlashtirilgan xiyobonlar va bog‘larni rekonstruksiya qilish va yangilarini qurish orqali shaharning me’moriy qiyofasini yaxshilash;

uy-joy, ta’lim, sog‘liqni saqlash, sport, madaniyat, san’at va dam olish obyektlarini qurish, rekonstruksiya qilish hamda kapital ta’mirlash hisobidan ijtimoiy va turizm infratuzilmasini rivojlantirish;

ilmiy gidrogeologik tadqiqotlar asosida sizot suvlar sathini pasaytirish bo‘yicha shahar hududini muhandislik jihatidan tayyorlash tadbirlarini ishlab chiqish va amalga oshirish;

g) birinchi navbatda qurilish ishlari olib boriladigan hududlarning batafsil rejalashtirish loyihalarini ishlab chiqsin hamda ularni bosqichma-bosqich amalga oshirilishini tashkil etsin;

d) Qarshi shahrining bosh rejasi loyihasini kompleks amalga oshirilishi yuzasidan mualliflik nazoratini o‘rnatish bo‘yicha bosh loyiha tashkiloti bilan shartnoma imzolash, ishlarni bajarish va moliyalashtirish o‘z vaqtida tashkil etilishini ta’minlasin.

4. Belgilansinki, xorijiy investorlar, ijtimoiy soha muassasalari va mahalliy investorlar tomonidan kiritilgan takliflar (loyihalar) Qarshi shahrining bosh rejasiga ushbu obyektlarni kiritish maqsadida Qashqadaryo viloyati Qurilish va uy-joy kommunal xo‘jaligi boshqarmasi huzuridagi arxitektura-shaharsozlik kengashida ko‘rib chiqiladi va kelishiladi.

5. Bosh loyiha tashkilotiga Qarshi shahrining tasdiqlangan bosh rejasi loyihasining kompleks amalga oshirilishi ustidan mualliflik nazoratini to‘laqonli ta’minlash yuzasidan mas’uliyat yuklansin.

6. Vazirlar Mahkamasining “2030-yil davrigacha Qarshi shahrining bosh rejasini tasdiqlash to‘g‘risida” 2013-yil 23-sentabrdagi 262-son qarori o‘z kuchini yo‘qotgan deb hisoblansin.

7. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.J. Ramatov va Qashqadaryo viloyati hokimi M.B. Azimov zimmasiga yuklansin.

O‘zbekiston Respublikasining Bosh vaziri A. ARIPOV

Toshkent sh.,

2025-yil 24-fevral,

105-son

Vazirlar Mahkamasining 2025-yil 24-fevraldagi 105-son qaroriga
1-ILOVA

Qarshi shahri bosh rejasining

ASOSIY YECHIMLARI

Qarshi shahrining bosh rejasida aholi punkti hududini ijtimoiy-iqtisodiy rivojlanish xususiyatlarini, tabiiy-iqlim sharoitlarini hamda aholi soni prognozini inobatga olgan holda rivojlantirishning asosiy yo‘nalishlari, hududlarning zonalashtirilishi va ularni qurish navbati, aholi punkti hududini tabiiy va texnogen xususiyatga ega favqulodda vaziyatlar ta’siridan muhofaza qilish, muhandislik, transportga oid va ijtimoiy infratuzilmalarni rivojlantirish chora-tadbirlari, aholi punktining qurilgan va qurilmagan hududlari nisbati, aholi punktini rivojlantirish uchun zaxira hududlar va chegaralar hamda aholi punktining iqtisodiy, sanoat va hududiy salohiyati, aholining ko‘payish sur’atini nazarda tutuvchi loyiha yechimlari belgilangan.

Shaharsozlik va ijtimoiy-iqtisodiy masalalarda shaharning xalq xo‘jaligi, sanoat salohiyati, ishchi resurslari, tabiiy-ekologik muhitning rivojlanishi Qashqadaryo viloyati va Qarshi shahrining shu sohalardagi rivojlanish yo‘nalishi bilan bog‘liq.

Qarshi shahrida 2030-yil (keyingi o‘rinlarda — birinchi navbat) va 2042-yil oxiriga qadar (keyingi o‘rinlarda — hisob davri) kuyidagilar rejalashtirilgan:

1. Aholi soni va hududi:

aholi soni o‘sishi — 283,15 ming kishidan, birinchi navbatda — 400,0 ming kishi va hisob davrida — 470,0 ming kishi;

shaharning hududi — 8 308,9 gektardan, birinchi navbatda — 11 026,8 gektar va hisob davrida — 16 073,6 gektarga o‘zgaradi.

2. Uy-joy qurilishi va uy-joy fondi:

uy-joy fondi umumiy maydoni — 3 992,27 ming kv. metrdan, birinchi navbatda — 7 200,0 ming kv. metr, hisob davrida — 10 810,0 ming kv. metr;

uy-joy fondi bilan ta’minlanish darajasi, bir kishiga — 14,1 kv. metrdan, birinchi navbatda — 18,0 kv. metr, hisob davrida — 23,0 kv. metrga o‘zgaradi;

uy-joy fondi qisqarishi, birinchi navbatda — 89,75 ming kv. metr, hisob davrida — 100,37 kv. metrni tashkil qiladi.

Hisobiy muddatda uy-joy fondi qavatlar kesimida:

1 qavatli yakka tartibdagi uylar — 2 700,52 ming kv. metrdan, birinchi navbatda — 5 308,24 ming kv. metr va hisob davrida — 8 261,35 ming kv. metr;

2 qavatli kottej uylar — 211,7 ming kv. metrdan, birinchi navbatda — 501,8 ming kv. metr va hisob davrida — 698,93 ming kv. metr;

2-3 qavatli uylar — 165,11 ming kv. metrdan, birinchi navbatda — 169,62 ming kv. metr va hisob davrida — 137,14 ming kv. metr;

4-5 qavatli uylar — 840,51 ming kv. metrdan, birinchi navbatda — 890,72 ming kv. metr va hisob davrida — 1 102,22 ming kv. metr;

7 qavatli uylar — 56,04 ming kv. metrdan,birinchi navbatda — 159,76 ming kv. metrdan va hisob davrida — 221,69 ming kv. metr;

9 qavatli uylar birinchi navbatda — 43,34 ming kv. metr va hisob davrida — 95,0 ming kv. metr;

12 qavatli uylar — 2,86 ming kv. metrdan, birinchi navbatda — 37,09 ming kv. metrdan va hisob davrida — 92,16 ming kv. metr;

16 qavatli uylar — 11,9 ming kv. metrdan, birinchi navbatda — 47,85 ming kv. metrdan va hisob davrida — 86,61 ming kv. metr;

20 qavatli uylar, birinchi navbatda — 14,25 ming kv. metr va hisob davrida — 43,79 ming kv. metrga o‘zgaradi;

3. Ijtimoiy sohada:

aholining ijtimoiy soha obyektlariga bo‘lgan talabini amaldagi me’yorlarga moslashtirish maqsadida soha ko‘rsatkichlari quyidagi tarzda o‘zgaradi:

maktabgacha ta’lim muassasalari, birinchi navbatda — 22 000 o‘rinni va hisob davrida — 29 140 o‘rinni;

umumta’lim maktablari, birinchi navbatda — 64 000 o‘rinni va hisob davrida — 74 260 o‘rinni;

shifoxonalar, birinchi navbatda — 9 924 o‘rin, hisob davrida — 11 661 o‘rin;

poliklinikalar bir smenada, birinchi navbatda — 18 400 ta tashrifni, hisob davrida — 21 760 ta tashrifni;

do‘konlar, birinchi navbatda savdo maydoni — 102 020 kv. metr, hisob davrida savdo maydoni — 146 120 kv. metrni;

umumiy ovqatlanish korxonalari, birinchi navbatda — 18 400 o‘rinni, hisob davrida — 24 650 o‘rinni;

klublar, madaniyat saroylari, birinchi navbatda — 14 800 o‘rinni, hisob davrida — 19 775 o‘rinni;

kinoteatrlar, birinchi navbatda — 8 000 o‘rinni, hisob davrida — 12 960 o‘rinni;

teatrlar, birinchi navbatda — 837 o‘rinni, hisob davrida — 3 325 o‘rinni;

mehmonxonalar, birinchi navbatda — 2 400 o‘rinni, hisob davrida — 2 800 o‘rinni;

maishiy xizmat ko‘rsatish korxonalari, birinchi navbatda — 2 800 ish o‘rinlarini, hisob davrida — 4 265 ish o‘rinlarini tashkil qiladi.

4. Jamoat transporti, avtomobil yo‘llari va ko‘chalar hisob davrida:

shahar magistral ko‘chalarning uzunligi, birinchi navbatda — 155,35 km, hisob davrida — 291,33 km;

shahar ko‘cha tarmog‘ining zichligi, birinchi navbatda — 1,41 km/kv. metr, hisob davrida — 1,81 km/kv. metr;

yiliga tashiladigan yo‘lovchilar, birinchi navbatda — 160,0 million yo‘lovchi, hisob davrida — 235,0 million yo‘lovchini tashkil qiladi.

5. Muhandislik va texnik infratuzilma sohalari bo‘yicha hisob davrida:

Suv ta’minoti bo‘yicha:

ichimlik suvining umumiy ta’minoti, birinchi navbatda kuniga — 104,0 ming kub. metr, hisob davrida kuniga — 122,2 ming kub. metr;

kommunal-maishiy ehtiyojlar, birinchi navbatda kuniga — 80,0 ming kub. metr, hisob davrida — 94,0 ming kub. metr;

sanoat va ishlab chiqarish ehtiyojlari, birinchi navbatda kuniga — 12,0 ming kub. metr, hisob davrida — 14,1 ming kub. metr;

hisobga olinmagan boshqa ehtiyojlar, birinchi navbatda kuniga — 12,0 ming kub. metr, hisob davrida — 14,1 ming kub. metrni tashkil qiladi.

Kanalizatsiya bo‘yicha:

Umumiy oqova suv hajmi, birinchi navbatda, kuniga — 49,67 ming kub. metr, hisob davrida — 74,17 ming kub. metr;

tozalash inshootlarining umumiy quvvati, birinchi navbatda, kuniga — 60,0 ming kub. metr, hisob davrida — 90,0 ming kub. metr;

uy-joy fondining kanalizatsiya tarmog‘i bilan ta’minlanishi, birinchi navbatda — 53,0 foiz, hisob davrida — 70 foizni tashkil qiladi;

Issiqlik ta’minoti bo‘yicha:

umumiy markazlashgan issiqlik ta’minoti quvvati, birinchi navbatda — 491,535 Gkal/soat, hisob davrida — 710,985 Gkal/soat;

uy-joy fondi, birinchi navbatda — 117,012 Gkal/soat, hisob davrida — 151,273 Gkal/soat;

kommunal-maishiy ehtiyojlar, birinchi navbatda — 374,515 Gkal/soat, hisob davrida — 374,515 Gkal/soatni tashkil qiladi.

Gaz ta’minoti bo‘yicha:

gazning umumiy iste’moli, birinchi navbatda, yiliga — 230 041,9 ming kub. metr, hisob davrida — 332 735,1 ming kub. metr;

isitish qozonxonalariga gaz ta’minoti, birinchi navbatda, yiliga — 137391,9 ming kub. metr, hisob davrida — 223 515,1 ming kub. metr;

uy-joy fondi gaz ta’minoti, birinchi navbatda, yiliga — 52 800,0 ming kub. metr, hisob davrida — 62 040,0 ming kub. metr;

kommunal-maishiy ehtiyojlar gaz ta’minoti, birinchi navbatda, yiliga — 18 650,0 ming kub. metr, hisob davrida — 22 430,0 ming kub. metr;

sanoat va ishlab chiqarish korxonalari gaz ta’minoti, birinchi navbatda, yiliga — 21 200,0 ming kub. metr, hisob davrida — 24 750,0 ming kub. metrni tashkil qiladi.

Elektr ta’minoti bo‘yicha:

umumiy elektr energiyasi iste’moli, birinchi navbatda, yiliga — 965,6 million kVt.s, hisob davrida — 1 131,7 million kVt.s;

uy-joy, kommunal-maishiy ehtiyojlar, birinchi navbatda — 880,0 million kVt.s, hisob davrida — 1 034,0 million kVt.s;

sanoat va ishlab chiqarish korxonalari ehtiyojlari, birinchi navbatda — 64,8 million kVt.s, hisob davrida — 75,6 million kVt.s;

hisobga olinmagan boshqa ehtiyojlar, birinchi navbatda — 20,8 million kVt.s, hisob davrida — 22,1 million kVt.s.ni tashkil qiladi.

Sanitar tozalash bo‘yicha:

qattiq maishiy chiqindilarni qayta ishlash hajmi, birinchi navbatda — 436,0 ming kub. metr, hisob davrida, yiliga — 512,3 ming kub. metr;

qattiq maishiy chiqindi poligoni, chiqindixonalarning foydalanish hududi, birinchi navbatda — 17,9 gektar, hisob davrida — 27,0 gektarni tashkil qilish rejalashtirilgan.

6. Shaharni funksional hududlashtirish va me’moriy rejalashtirish:

Qarshi shahrining rejalashtirish tarkibi, aholi joylashgan hududning guruh tizimi markazi — umuman tizimning guruhini tashkil qilish bilan bog‘liq omillar majmuasini hisobga olgan holda shakllantirilgan bo‘lib, bunda rivojlanish va fazoviy o‘sishni hisob-kitob davri chegaralaridan tashqari amalga oshirish imkoniyatini ta’minlaydi. Hududlardan funksional foydalanish ustuvorligini hisobga olib, asosiy bo‘lgan aholi punktining turar joy hududi ishlab chiqarish, ko‘kalamzor, manzara-dam olish hamda ma’muriy markaz qismlariga bo‘lingan.

Guruh tizimining asosiy kompozitsion o‘qlarining rolini Qarshi shahrini Toshkent, Buxoro, Termiz, Urganch va Nukus shaharlari bilan bog‘laydigan yo‘nalishlar bajaradi.

Shaharning qabul qilingan loyihalashtirish va rejalashtirish tuzilishi yaxlit organizmni yaratishni nazarda tutadi, unda shaharning turli tabiatdagi qismlari, shuningdek, shaharga tutash qishloq aholi punktlari katta shaharsozlik tizimiga kiritilgan bo‘lib, ular shahar guruh tizimining markazi sifatida mavqeyini hisobga oladi.

Shaharning arxitektura-rejalashtirish tuzilishining asosini ko‘kalamzorlashtirilgan va suv chiqadigan bo‘shliqlar bilan birlashtirgan, tarixiy-me’moriy qo‘riqxona, alohida ma’muriy, savdo, madaniy, ma’rifiy va sport majmualarini o‘z ichiga olgan shahar ahamiyatiga ega jamoat markazlari tizimi tashkil etadi.

Jamoat markazlarining chiziqli-tugun tuzilishi uy-joylar va fuqarolik qurilishi sur’atlariga muvofiq shahar hududlarini egallashga imkon beradi va shahar qurilishining barcha bosqichlarida stilistik birlikni qo‘llab-quvvatlaydi.

Tarixiy zonada rekonstruksiya ishlari, eskirgan binolarni buzish va alohida mavzelarni mustahkamlash ishlari qonunchilikda belgilangan tartiblarga qat’iy amal qilgan holda amalga oshiriladi. Tarixiy zonaning chekkasida, obidalar joylashgan hududlarda transport harakati tartibga solinishi ko‘zda tutilgan.

2013-yilda ishlab chiqilgan bosh rejadagi asosiy funksional hududlar saqlab qolingan va unga qisman o‘zgartirishlar kiritilgan. Ishlab chiqilgan bosh reja loyihalarida shahar va shaharchalar uchun markaziy madaniyat va istirohat bog‘lari, kichik yashil hududlar va dam olish xiyobonlari joylashtirilganligi, bundan tashqari har bir turar joy hududi markazlarida piyodalar yo‘lagi, veloyo‘laklar, avtomobil yo‘llari va sanitariya himoya hududlari inobatga olinganligi, madaniyat va istirohat bog‘larining boshqa yashil hududlar bilan o‘zaro bog‘lanishi natijasida hududlarning yaxlit yashil tizimi hosil qilingan. Buning natijasida mavjud yashil maydonlarning loyiha hisob davrida kishi boshiga ko‘kalamzorlashtirilgan yashil tizim maydoni ko‘payishiga erishilgan.

Ushbu hududlar asosida turar joy bo‘yicha 35,0 gektar hamda sanoat va ishlab chiqarish hududlari uchun 20,0 gektar zaxira yer maydonlari bosh reja loyihasida rejalashtirilgan.

7. Shaharning ekologik rivojlanishi:

Shaharchalarda ekologik muhitni yaxshilash, atrof-muhit va aholi salomatligiga salbiy ta’sir ko‘rsatish omillarini kamaytirish maqsadida ekologik talablarga mos ravishda loyihada quyidagi tadbirlarni amalga oshirish rejalashtirilgan:

umumiy foydalanishdagi ko‘kalamzor hududlar, hisob davrida — 423,0 gektarni va kishi boshiga — 9,0 kv. metr;

sanitar-himoya hududlar, hisob davrida — 586,7 gektar va kishi boshiga — 12,48 kv. metr.

Muhandislik ishlari bo‘yicha hududni tayyorlash tadbirlari loyiha qismlarida hududdagi yog‘in suvlarini to‘g‘ri yo‘nalish orqali chiqarish, ulardan unumli foydalanish, ariqlar va kanallar orqali yashil hududlarni sug‘orishda:

sug‘orish hududi, hisob davrida — 8 052,6 gektar;

suv miqdori — 10 066,0 l/sek;

yerosti sizot suvlari sathini kamaytirish hududi, hisob davrida — 5 650 gektarni tashkil etadi.

Vazirlar Mahkamasining 2025-yil 24-fevraldagi 105-son qaroriga
2-ILOVA

Qarshi shahri bosh rejasining

TEXNIK-IQTISODIY KO‘RSATKICHLARI

T/r	Ko‘rsatkichlar	O‘lchov birligi	Hozirgi holati	Birinchi navbat	Hisob davri
1	2	3	4	5	6
I	Aholi
	Shahar aholisi soni	ming kishi	283,15	400,0	470,0
	Shaharning ma’muriy-hududiy rivojlanishida unga qo‘shilayotgan aholi punktlari	ming kishi	76,4
	Aholining yosh tarkibi:	ming kishi %	283,15 100,0	400,0 100,0	470,0 100,0
	maktabgacha yoshdagi bolalar (0 — 6 yosh)	ming kishi %	36,24 12,8	50,4 12,6	58,28 12,4
	maktab yoshidagi bolalar (7 — 15 yosh)	ming kishi %	45,87 16,2	64,0 16,0	74,26 15,8
	mehnatga layoqatli yoshdagi aholi (16 yoshdan 59 yoshgacha bo‘lgan erkaklar, 16 yoshdan 54 yoshgacha bo‘lgan ayollar)	ming kishi %	177,54 62,7	252,0 63,0	297.51 63,3
	mehnatga layoqatli yoshdan katta aholi	ming kishi %kishi %	23,5 8,3	33,6 8,4	39,95 8,5
	Aholining mehnat tarkibi:
	shaharni shakllantiruvchi guruh	ming kishi %	62,29 22,0	92,0 23,0	112,8 24,0
	shaharga xizmat ko‘rsatuvchi guruh	ming kishi %	53,8 19,0	90,0 22,5	108,1 23,0
	ishlab chiqarishdan ajralgan holda ta’lim oluvchi 16 yoshdan katta o‘quvchilar	ming kishi %	26,33 9,3	26,4 6,6	29,1 6,2
	ishsizlar va shaxsiy, maishiy va yordamchi xo‘jaliklarda band bo‘lganlar	ming kishi %	37,38 13,2	46,0 11,5	49,8 10,6
II	Shaharni shakllantirish ahamiyatiga ega obyektlar
	Sanoat korxonalari	kishi %	9603 100,0	13263 100,0	15690 100,0
	Ilmiy tadqiqot va loyihalashtirish tashkilotlari	ming kishi	1151	1400	1500
	Pedagogik va xizmat ko‘rsatuvchi xodimlar soni	ming kishi	4,77	5,57	5,67
	Ma’muriy, xo‘jalik va jamoat tashkilotlari	ming kishi	9,87	10,5	11,5
	Qurilish tashkilotlari	ming kishi	9,35	11,0	13,0
	Tayyorlov-ta’minot tashkilotlari	ming kishi	0,92	1,1	1,2
	Transport:
	havo transporti	ming kishi	0,31	0,35	0,4
	temir yo‘l transporti	ming kishi	0,58	0,7	0,8
	avtomobil transporti	ming kishi	4,0	8,9	10,8
	Sog‘liqni saqlash muassasalari	ming kishi	6,61	12,0	15,3
	Dam olish va turizm muassasalari	ming kishi	0,27	0,45	0,65
	Qishloq xo‘jaligi	ming kishi	0,44	0,5	0,6
	Boshqa tashkilotlar	ming kishi	0,38	0,47	0,63
III	Hudud
	Shahar chegarasidagi hudud	ga kv.m/kishi	8308,9 293,44	11026,8 275,67	16073.6 341,98
A)	Turar joy hududlari, jami	ga kv.m/kishi	6851,94 241,99	9531,43 238,29	13694.23 291,37
	Shu jumladan:
	Turar joy hududlari	ga kv.m/kishi	4076.34 143,96	7100,53 177,51	10342.03 220,04
	Xizmat ko‘rsatish korxonalari	ga kv.m/kishi	950,8 33,58	954.6 23,86	1316,1 28,0
	Umumiy foydalanishdagi ko‘klamzorlar	ga kv.m/kishi	178,4 6,3	320,0 8,0	423,0 9,0
	Sport inshootlari va maydonlari	ga kv.m/kishi	27,45 0,98	105,0 2,63	125,0 2,66
	Kanal, kollektor, ariqlar	ga kv.m/kishi	62,4 2,2	281,5 7,04	281,5 5,99
	Magistral ko‘chalar tarmog‘i	ga kv.m/kishi	227,2 8,0	260,2 6,5	657,5 13,99
	Qishloq xo‘jaligi ahamiyatiga ega hududlar	ga kv.m/kishi	830,95 29,35	174,4 2,36	174,4 3,71
	Boshqa hududlar	ga kv.m/kishi	489,1 17,27	325,9 8,16	330,4 7,03
	Maxsus hudud	ga kv.m/kishi	9,3 0,33	9,3 0,23	9,3 0,2
	Turar joy zaxiralari hududi	ga kv.m/kishi	-	-	35,0 0,75
B)	Aholi turar joylaridan tashqari hududlar, jami	ga kv.m/kishi	1456,96 51,45	1495,37 37,8	2378.77 50,61
	shu jumladan:
	Sanoat korxonalari, qurilish korxonalari, tayyorlov-ta’minot tashkilotlari omborxonalari	ga kv.m/kishi	714,56 25,24	726,47 18,16	1085.17 23,09
	Ko‘chalar, yo‘llar, o‘tish yo‘llari	ga kv.m/kishi	48,6 1,72	53,0 1,32	159,6 3,39
	Tashqi transport hududi	ga kv.m/kishi	523,8 18,49	523,8 13,1	523,8 11,15
	Issiqxonalar	ga kv.m/kishi	15 0,12	15 0,09	15 0,07
	Tashqi trasport	ga kv.m/kishi	523,8 18,49	523,8 13,1	523,8 11,15
	Sanitar-himoya hududi	ga kv.m/kishi	166,5 5,88	188,6 4,71	586,7 12,48
	Sanoat zaxira hududi	ga kv.m/kishi	-	-	20,0 0,43
IV	Aholi zichligi
	shahar chegarasidagi hudud bo‘yicha	kishi/ga	41,3	42,0	34,3
	turar joy hududi bo‘yicha	kishi/ga	34,1	36,3	29,2
V	Uy-joy qurilishi
	Uy-joy fondi umumiy maydoni	ming kv.m	3992,27	7200,0	10810,0
	Uy-joy fondini qavatlar soni bo‘yicha taqsimlash:	ming kv.m %	3992.27 100,0	7200,0 100,0	10810.0 100,0
	1 qavatli yakka tartibdagi uylar	ming kv.m %	2700.52 67,64	5308.24 73,73	8261,35 76,42
	2 qavatli kottej uylar	ming kv.m %	211,7 5,3	501,8 6,97	698.93 6,47
	2-3 qavatli uylar	ming kv.m %	165,11 4,15	169,62 2,36	137,14 1,28
	4-5 qavatli uylar	ming kv.m %	840,51 21,05	890.72 12,37	1102.22 10,19
	7 qavatli uylar	ming kv.m %	56,04 1,4	159,76 2,22	221.69 2,05
	9 qavatli uylar	ming kv.m %	-	43,34 0,6	95,0 0,87
	12 qavatli uylar	ming kv.m %	2,86 0,07	37,09 0,52	92,16 0,85
	14 qavatli uylar	ming kv.m %	3,63 0,1	27,19 0,38	71,11 0,66
	16 qavatli uylar	ming kv.m %	119 0,29	47,85 0,66	86,61 0,8
	20 qavatli uylar	ming kv.m %	-	14,25 0,19	43,79 0,41
	uy-joy fondi bilan ta’minlanish darajasi	kv.m/kishi	14,1	18,0	23,0
	uy-joy fondi qisqarishi	ming kv.m	-	89,75	100,37
	yangi qurilishga nisbatan	%	-	4,0	2,7
	mavjud uy-joy fondiga nisbatan	%	-	2,2	2,5
	Yangi uy-joy qurilishlari	ming kv.m %	-	2220.86 100,0	3540.62 100,0
	1-qavatli yakka tartibdagi uylar	ming kv.m %	-	1658.37 74,67	2851.11 80,52
	2 qavatli kottej uylar	ming kv.m %	-	281,83 12,7	197,13 5,58
	4-5 qavatli uylar	ming kv.m %	-	25,61 1,15	211,5 5,97
	7 qavatli uylar	ming kv.m %	-	103,72 4,67	61,93 1,75
	9 qavatli uylar	ming kv.m %	-	43,34 1,95	51,66 1,46
	12 qavatli uylar	ming kv.m %	-	34,23 1,54	55,07 1,56
	14 qavatli uylar	ming kv.m %	-	23,56 1,06	43,92 1,24
	16 qavatli uylar	ming kv.m %	-	35,95 1,62	38,76 1,09
	20 qavatli uylar	ming kv.m %	-	14,25 0,64	29,54 0,83
VI	Ijtimoiy soha qurilishi
	Maktabgacha ta’lim muassasalari, jami	o‘rin	11794	22000	29140
	1000 kishiga	o‘rin	41,6	55	62
	Umumta’lim maktablari, jami	o‘rin	38066	64000	74260
	1 000 kishiga	o‘rin	134,4	160	158
	Shifoxonalar, jami	o‘rin	6124	9924	11661
	1000 kishiga	o‘rin	21,6	24,81	24,81
	Poliklinikalar, jami	qatnov	8226	18400	21760
	1000 kishiga	qatnov	29,1	44	44,3
	Do‘konlar, jami	kv.m savdo maydoni	52210	102020	146120
	1000 kishiga	kv.m savdo maydoni	184,4/37,8	155/51,0	310,9/60,4
	Umumiy ovqatlanish korxonalari, jami	o‘rin soni	8085	18400	24650
	1000 kishiga	o‘rin soni	28,5/5,9	46,0/9,2	52,5/10,2
	Klublar, madaniyat saroylari, jami	o‘rin	850	14800	19775
	1000 kishiga	o‘rin	3	37	42
	Kinoteatrlar, jami	o‘rin	-	8000	12960
	1000 kishiga	o‘rin	-	20	27,6
	Teatrlar, jami	o‘rin	-	837	3325
	1000 kishiga	o‘rin	-	2,9	7,0
	Mehmonxonalar, jami	o‘rin	1806	2400	2800
	1000 kishiga	o‘rin	6,4	6,0	6,0
	Kir yuvish korxonalari, jami	1 kg quruq kiyim smenada	7650	42400	64200
	1000 kishiga		27,0	106	137
	Maishiy xizmat ko‘rsatish korxonalari, jami	ishchi o‘rni	425	2800	4265
	1000 kishiga	ishchi o‘rni	1,5	7	9,1
VII	Shahar jamoat transporti va magistral ko‘chalar tarmog‘i
	Bir kishining bir yilda barcha shahar transport vositalarida qatnovlari soni	qatnov	300	400	500
	Yiliga tashiladigan yo‘lovchilar soni	mln.yo‘lov.	96,0	160,0	235,0
	Shahar transporti yo‘llarining uzunligi	km	192,1	155,35	291,33
VIII	Shahar magistral yo‘llari, ko‘chalar tarmoqlari
	Shahar magistral ko‘chalarining uzunligi, jami	km	88,0	155,35	291,33
	jumladan:
	shahar ahamiyatiga ega magistral yo‘llar	km	55,4	80,66	162,53
	Shahar ko‘cha tarmog‘ining zichligi, jami	km/kv.m	1,06	1,41	1,81
	jumladan:
	shahar ahamiyatidagi magistrallar	km/kv.m	0,66	0,73	1,01
	Bir yo‘nalish qatnovining o‘rtacha vaqt sarfi	min		9,35	8,48
	Yirik muhandislik — transport inshootlarining soni	obyekt	3	7	14
IX	Muhandislik tarmoqlari va obodonlashtirish
A)	Ichimlik suvi va ta’minot
	Ichimlik suvining umumiy ta’minoti, jami:	ming kub.m kuniga l/kun. kishi	68,98 244	104,0 260	122,20 260
	kommunal-maishiy ehtiyojlar	ming kub.m kuniga l/kun. kishi	39,8 141	80,0 200	94,0 200
	sanoat va ishlab chiqarish ehtiyojlari	ming kub.m/ kuniga	5,56	12,0	14,1
	hisobga olinmagan boshqa ehtiyojlar	ming kub.m/ kuniga	23,62	12,0	14,1
	Suv inshootlari quvvati	ming kub.m/ kuniga	112,0	124,8	147,0
	Suv olish manbalari: Kitob — Shahrisabz yer osti suvlari (zaxira suv ta’minoti manbasi — Hisorak suv omborining suvlari);	ming kub.m/ kuniga	112,0	124,8	147,0
	Uy-joy fondini markazlashtirilgan suv ta’minoti bilan ta’minlash	%%	95,0	100,0	100,0
B)	Kanalizatsiya
	Umumiy oqova suv hajmi, jami	ming kub.m/ kuniga	25,16	49,67	74,17
	shu jumladan:
	xo‘jalik-maishiy chiqindi oqova suvlari	ming kub.m/ kuniga	21,36	38,16	59,22
	sanoat oqova suvlari	ming kub.m/ kuniga	3,80	9,60	11,99
	hisobga olinmagan boshqa ehtiyojlar	ming kub.m/ kuniga	-	1,91	2,96
	Tozalash inshootlarining umumiy quvvati	ming kub.m/ kuniga	25,0	60,0	90,0
	Uy-joy fondining oqova suv tarmog‘i bilan ta’minlanganligi	%	51,3	53,0	70,0
V)	Elektr ta’minoti
	Umumiy elektr energiyasi iste’moli	yiliga mln. kVt.s.	444,276	965,6	1131,7
	jumladan:
	uy-joy, kommunal-maishiy ehtiyojlar uchun	yiliga mln. kVt.s.	368,095	880,0	1034,0
	sanoat va ishlab chiqarish korxonalari	yiliga mln. kVt.s.	61,301	64,8	75,6
	hisobga olinmagan boshqa ehtiyojlar	yiliga mln. kVt.s.	14,88	20,8	22,1
G)	Issiqlik ta’minoti
	umumiy markazlashgan issiqlik ta’minoti quvvati	MVt (Gkal/s)	-	571,65 (491,535)	826,9 (710,985)
	Issiqlik ta’minoti, jami	MVt (Gkal/s)	21,215 (18,5)	571,65 (491,535)	826,9 (710,985)
	jumladan:
	uy-joy fondi	MVt (Gkal/s)	21,215 (18,5)	136,085 (117,012)	175,93 (151,273)
	kommunal-maishiy ehtiyojlar	MVt (Gkal/s)	-	435,56 (374,515)	435,56 (374,515)
	Uy-joy fondining markazlashtirilgan isitish va issiq suv manbai bilan ta’minlanganligi	%	23,5	100,0	100,0
D)	Gaz ta’minoti
	Gazning umumiy iste’moli (jami)	yiliga ming n.m.kub	222693,2	230041,9	332735,1
	jumladan:
	uy-joy fondi gaz ta’minoti	yiliga ming n.m.kub	160480,0	52800,0	62040,0
	kommunal-maishiy ehtiyojlar gaz ta’minoti	yiliga ming n.m.kub	30180,2	18650,0	22430,0
	isitish qozonlari gaz ta’minoti	yiliga ming n.m.kub	1270,7	137391,9	223515,1
	sanoat va ishlab chiqarish korxonalari gaz ta’minoti	yiliga ming n.m.kub	30762,3	21200,0	24750,0
	Tabiiy gaz bilan ta’minlangan xonadonlar	miqdori	74192	79620	93125
	Uy-joy fondlarining tabiiy gaz bilan ta’minlanganligi	%	100	100	100
E)	Sanitar tozalash inshooti hududi
	qattiq maishiy chiqindilarni qayta ishlash hajmi	ming m.kub/yil	308,0	436,0	512,3
	qattiq maishiy chiqindi poligoni, chiqindixonalarning foydalanish hududi	ga	29,0 5,8	29,0 17,9	29,0 27,0
	Chiqindilarni qayta ishlash zavodi	soni/ming m.kub/yil	1 120	1 120	1 165
X)	Hududni muhandislik tayyorlash
	Sug‘orish maydoni	ga	3220,3	4896,4	8052,6
	yashil maydonlarni sug‘orish uchun hisoblangan suv miqdori	l/sek.	5367,0	6995,0	10066,0
	yerosti sizot suvlari sathini kamaytirish hududi	ga	1764,0	2772,0	5650,0

 

(Qonunchilik ma’lumotlari milliy bazasi, 25.02.2025-y., 09/25/105/0179-son)