Qarshi shahri hokimi Janubiy Koreya kompaniyasi vakillari bilan onlayn muloqot o‘tkazdi
2026-01-23 15:25:00 / Yangiliklar
Qarshi shahri hokimi Normo‘min Xolboyev Janubiy Koreyaning “Happy Local Development Foundation” jamoat fondi raisi Mun Hyon bilan onlayn uchrashuv o‘tkazdi.
Muloqot davomida tomonlar Qarshi shahri va Janubiy Koreya hududlari o‘rtasida o‘zaro manfaatli hamkorlikni rivojlantirish masalalarini atroflicha muhokama qildilar. Xususan, qishloq xo‘jaligi sohasida yangi loyihalarni amalga oshirish, Koreya tajribasi va texnologiyalari asosida zamonaviy, energiya tejamkor issiqxonalar tashkil etish masalalariga alohida e’tibor qaratildi.
Shuningdek, uchrashuvda rasmiy migratsiya yo‘nalishida hamkorlikni kengaytirish, Qarshi shahri fuqarolarini Janubiy Koreya davlatiga mavsumiy va doimiy ish o‘rinlariga yuborish, bu borada zarur huquqiy va tashkiliy mexanizmlarni yo‘lga qo‘yish masalalari yuzasidan fikr almashildi.
Onlayn muloqot yakunida tomonlar kelgusida hamkorlikni izchil davom ettirish, aniq loyihalar bo‘yicha amaliy takliflar ishlab chiqish hamda o‘zaro aloqalarni yanada mustahkamlashga kelishib oldilar.