O‘zbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamg‘armasi ijro etuvchi apparatining 2025-yil 27-oktabrdagi 23/2-38-son buyrug‘iga muvofiq, joriy yilning 1-noyabrdan 30-noyabrga qadar “Korrupsiyaga qarshi kurashish oyligi” o‘tkaziladi.

Oylikdan ko‘zlangan maqsad – korrupsiyaga qarshi kurashish tizimi samaradorligini oshirish, korrupsiyaviy harakatlarni o‘z vaqtida aniqlash, ularga barham berish, ularning oqibatlari, keltirib chiqaruvchi sabab va shart-sharoitlarni bartaraf etishdan iborat.

O‘zbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamg‘armasi shu munosabat bilan Pensiya jamg‘armasi tizimining barcha xodimlarini va fuqarolarni ushbu oylikda faol ishtirok etishga chorlaydi.

Korrupsiyaga qarshi kurashish va murojaatlar bilan ishlash oyligida korrupsiyaga qarshi kurashish va uni oldini olish, ishlarni me’yoriy-huquqiy hujjatlarga muvofiq tashkil etish, korrupsiya xavf-xatarlari va manfaatlar to‘qnashuvini o‘z vaqtida aniqlash hamda ularga chek qo‘yish, qonun buzilishi va korrupsiyaga oid huquqbuzarliklar haqida xabar berish kabi qator profilaktik choralarni amalga oshirilishi pensiya ta’minoti sohasida ijobiy natijalarga erishilishiga olib keladi.

Pensiya jamg‘armasi tizimi xodimlarining korrupsion huquqbuzarliklari haqida Pensiya jamg‘armasining quyidagi aloqa kanallariga murojaat qilishingiz mumkin:

Ishonch telefoni: “1271”

Veb-sayt: gov.uz/pj

e-mail: pension_uz@imv.uz

Facebook: https://www.facebook.com/pensiyauzb

Instagram: https://www.instagram.com/pensiyauzb/

Telegram boti: @pensiyauzbot

Aloqa kanallari orqali kelib tushgan xabarlar bo‘yicha murojaatchi haqidagi barcha ma’lumotlar sir saqlanadi.