Pensiya jamg‘armasi tomonidan murojaatlarni O‘zbekiston Respublikasining “Jismoniy va yuridik shaxslarning murojaatlari to‘g‘risida”gi Qonuni talablariga muvofiq o‘z vaqtida hamda sifatli ijro etilishi qatʻi nazoratga olingan.

Hududlardan olingan ma’lumotlarga asosan 2023-yil davomida jami 83 722 ta yoki o‘tgan yilning mos davriga nisbatan 60 750 taga yoki 42,0 % ga kamaygan. Jumladan: 2 564 tasi (3,1%) Pensiya jamg‘armasi ijro etuvchi apparatiga, 14 054 tasi (16,8%) jamg‘armaning hududiy boshqarmalariga, 67 104 tasi (80,2%) tuman (shahar) bo‘limlariga kelib tushgan.

Murojaatlar kelib tushish manbasi bo‘yicha 70 861 ta (84,6%)si O‘zbekiston Respublikasi Prezidentining Virtual va Xalq qabulxonalari, 7 266 ta (8,7%) si Bosh prokuratura “Ishonch telefoni”, 2 109 ta (2,5%)si O‘zbekiston Kasaba uyushmalari Federatsiyasi “Ishonch telefoni”, 262 ta (0,3%) si Pensiya jamg‘armasi “Ishonch telefoni” hamda 3 224 ta(3,9%)si boshqa turli manbalar orqali kelib tushgan.

O’tgan yil mobaynida murojaatlarni ko‘rib chiqish natijalariga ko‘ra, chora ko‘rilgan murojaatlar soni 22 tadan iborat, 82 948 ta murojaat bo‘yicha umumiy tushuntirishlar berilgan, 231 tasi tegishliligi bo‘yicha vakolatli tashkilotlarga yuborilgan, 521 tasi ko‘rmasdan qoldirilgan.

Kelib tushgan murojaatlar mazmuni jihatdan quyidagi yo‘nalishlar bo‘yicha tavsiflanadi:

- kam ta’minlangan oilalarga 18 yoshgacha bolalar nafaqasi tayinlash masalasida – 63 443 ta (75,8 %);

- pensiya miqdorini ko‘rib chiqish va uni oshirib berish masalasida – 5 908 ta (7,1%);

- kam ta’minlangan oilalarga moddiy yordam tayinlash masalasida – 4 433 ta (5,3 %);

- pensiya tayinlash masalasida – 4 133 ta (4,9 %);

- pensiya va nafaqalarni to‘lovi masalasida – 1 852 ta (2,2%);

- pensiya tayinlashda ish stajini hisobga olish masalasida – 1 275 ta (1,5%);

- pensiya to‘lovi to‘xtatilishi va ortiqcha to‘lovlar masalasida – 685 ta (0,8%);

- bir martalik moddiy yordam to‘lovi masalasida – 195 ta (0,2%);

- fuqarolardan kelib tushgan takliflar va boshqa masalalarda – 1 798 ta (2,1%) ta.

Murojaatlarni ko‘rib chiqish natijalariga ko‘ra, 31 nafar xodimlarga nisbatan intizomiy jazo choralari ko‘rilgan. Jumladan, fuqarolarning haqli e’tirozlariga sabab bo‘lganligi sababli 25 nafar jamg‘arma xodimlariga nisbatan “hayfsan”, 5 nafariga nisbatan o‘rtacha ish haqiga “jarima” intizomiy jazo choralari qo’llanilib, 1 nafar xodim lavozimidan ozod qilingan.

Hududlar bo‘yicha tahlil qilinganda, eng ko‘p murojaatlar Samarqand 11 933 ta (14,3%), Qashqadaryo 11 016 ta (13,2%) va Surxondaryo viloyatlari 8 244 ta (9,8%) ni tashkil qilgan.

Pensiya jamg‘armasi ijro etuvchi apparati, hududiy boshqarmalar va tuman (shahar) bo‘limlari tomonidan fuqarolarga pensiya va nafaqalar uchun murojaat qilish tartibi, tayinlash va to‘lash muddatlari va shartlari to‘g‘risida tushuntirish va maʻlumotlar berib borilmoqda.

Shu bilan birgalikda pensiya qonunchiligidagi o‘zgarishlar, davlat pensiyalarini tayinlash va to‘lov jarayonidagi muammolarning yechimi to‘g‘risida tushuntirishagi o‘zgarishlar, davlat pensiyalarini tayinlash va to‘lov jarayonidagi muammolarning yechimi to‘g‘risida tushuntirish ishlari olib borilmoqda.

Manba: Pensiya jamg‘armasi matbuot xizmati