Pensiya jamg‘armasi tomonidan fuqarolarning murojaatlari O‘zbekiston Respublikasining “Jismoniy va yuridik shaxslarning murojaatlari to‘g‘risida”gi Qonunga muvofiq o‘z vaqtida hamda sifatli ijro etilishi qat’iy nazoratga olingan.

Shu o‘rinda raqamlarga eʻtibor qaratadigan bo‘lsak, Iqtisodiyot va moliya vazirligi huzuridagi budjetdan tashqari Pensiya jamg‘armasi “Ishonch telefoni”ga 2023-yil yanvar-iyul oylari davomida Pensiya jamg‘armasi tizimi “Ishonch telefoni”ga 201 402 ta murojaatlar kelib tushgan. Shundan, 201 279 ta murojaatlar bo‘yicha huquqiy tushuntirishlar berilgan, 123 ta murojaatlar bo‘yicha qo‘shimcha o‘rganishni talab qilganligi munosabati bilan ijro uchun qabul qilingan.

Murojaatlar kesimida tahlil qilinganda, 27,6 foizi (55 489 ta) pensiya ta’minoti masalasida, 70,4 foizi (141 928 ta) kam ta’minlangan oilalarga bolalar nafaqasi va moddiy yordam masalasida, 2,0 foizi (3 945 ta) boshqa masalalar yuzasidan murojaatlar va 40 ta xodimlarning xatti-harakati masalasida kelib tushgan.

Budjetdan tashqari Pensiya jamg‘armasi “Ishonch telefoni”ga kelib tushgan murojaatlardagi masalalar o‘rganilib, kelgusida ularning sonini kamaytirish, takroriy murojaatlarni oldini olish maqsadida Pensiya jamg‘armasi ijro etuvchi apparati va uning hududiy bo‘linmalari tomonidan 2023-yil yanvar-iyul oylari davomida 13 061 marotaba sayyor qabul uchrashuvlari o‘tkazildi.

Jumladan, ijro etuvchi apparat tomonidan 28 marotaba, hududiy boshqarmalar tomonidan 378 marotaba, tuman(shahar) bo‘linmalari tomonidan 12 655 marotabani tashkil etadi.

Pensiya jamg‘armasi ijro etuvchi apparati, hududiy boshqarmalar va tuman (shahar) bo‘limlari tomonidan fuqarolarga pensiya va nafaqalar uchun murojaat qilish tartibi, tayinlash va to‘lash muddatlari va shartlari to‘g‘risida tushuntirish va maʻlumotlar berib borilmoqda. Shu bilan birgalikda, budjetdan tashqari Pensiya jamg‘armasi tomonidan pensiya va nafaqa oluvchilarga qulaylik yaratish hamda keksa yoshdagi fuqarolar uchun Pensiya jamg‘armasiga kelmasdan murojaat qilish, maʻlum vaqtlarini tejash maqsadida, “Ishonch telefoni” 11-40 qisqa raqami mehnat qonunchiligida belgilangan tartibda (dam olish kunlari va tushlik tanaffuslarini hisobga olgan holda) faoliyat ko‘rsatib kelmoqda va hozirgi kunda takomillashtirilib borilmoqda.

 Manba: Pensiya jamg‘armasi matbuot xizmati