Nogironlik pensiyasi tayinlanishi uchun hech qayerga murojaat qilishingiz shart emas.
2026-04-21 13:50:00 / Jamg'arma yangiliklari
Bugungi kunda nogironlik pensiyalari Pensiya jamgʻarmasi tomonidan proaktiv (fuqarolarning murojaatisiz) tayinlanmoqda.
Yaʼni nogironligi boʻlgan shaxslarga I yoki II guruh nogironligi belgilangandan soʻng Pensiya jamgʻarmasi ushbu maʼlumotlarni elektron ravishda olib, nogironlik pensiyasini avtomatik tayinlab beradi.
Buning natijasida, ushbu toifa shaxslar ularga pensiya tayinlanishi uchun Pensiya jamgʻarmasiga borishlari talab etilmaydi.
Pensiya tayinlanganligi toʻgʻrisida ularning nomida boʻlgan telefon raqamlariga "pensiya tayinlanganligi toʻgʻrisi"da SMS xabar yuboriladi.
Telefon raqami yoʻq yoki nomida boʻlmagan pensionerlarga bu haqida pochta xizmati orqali xabar yetkaziladi.