Aktuar baholashni oʻtkazish boʻyicha xalqaro vebinar boʻlib oʻtdi.
2025-12-09 20:40:00 / Jamg'arma yangiliklari
Pensiya jamgʻarmasi tomonidan Xalqaro mehnat tashkiloti (XMT) bilan hamkorlikda “Ijtimoiy taʼminot tizimida aktuar baholashni oʻtkazishning ilgʻor tajribalari” mavzusida xalqaro vebinar tashkil etildi.
Mazkur vebinarda XMT vakili Paskal Annike xamda Kambagʻallikni qisqartirish va bandlik vazirligi, Soliq qoʻmitasi, Milliy statistika qoʻmitasi, Ijtimoiy himoya milliy agentligi, Migratsiya agentligi, Xalq banki vakillari ishtirok etishdi.
Tadbirda Kanada moliyaviy muassasalarini nazorat qilish ofisi bosh aktuariysi doktor Asya Billig soʻzga chiqib, ijtimoiy himoya tizimida aktuar baholashni oʻtkazish boʻyicha taqdimot qildi. Shuningdek, XMT Ijtimoiy himoya departamentining katta aktuariysi Andre Pikard mavzu yuzasidan oʻz ekspert xulosalarini bildirdi.
Vebinar yakunlariga koʻra, Pensiya jamgʻarmasi tizimida aktuar baholashni oʻtkazishga koʻmaklashish boʻyicha XMT tomonidan ekspert vakil ajratilishiga kelishildi.