Korrupsiyaga qarshi birgalikda kurashamiz!
2025-11-21 12:00:00 / Jamg'arma yangiliklari
O‘zbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamg‘armasi ijro etuvchi apparatining buyrug‘iga muvofiq, joriy yilning 1-30-noyabr kunlari “Korrupsiyaga qarshi kurashish oyligi” o‘tkazilmoqda.
Mazkur oylik davomida Pensiya jamg‘armasi Surxondaryo viloyati boshqarmasi boshqarma boshlig‘i tomonidan Pensiya jamg‘armasi tuman (shahar) bo‘limlariga tashrif buyurib, bo‘limlarning rahbar va xodimlari o‘rtasida “Korrupsiyaga qarshi birgalikda kurashamiz” shiori ostida o‘quv seminar va uchrashuv tashkil etildi.
Uchrashuv va o‘quv seminarida Pensiya ta’minoti sohasiga berilayotgan e’tibor, yaratilgan qulay shart-sharoitlar haqida qisqacha to‘xtalib o‘tdi.
Shuningdek, Pensiya jamg‘armasi tizimida korrupsiyaga qarshi kurashish, uni oldini olish bo‘yicha amalga oshirilayotgan ishlar to‘g‘risida axborot berdi.
Ushbu uchrashuvni o‘tkazishdan ko‘zlangan asosiy maqsad, Pensiya jamg‘armasi tizimi xodimlari tomonidan korrupsiyaga yo‘l qo‘ymaslik, mansab vakolatini suiiste’mol qilmaslik, xizmat vazifalarini sidqidildan bajarish hamda korrupsiyaga qarshi kurashda keng jamoatchilik rolini kuchaytirishdan iboratdir.
Shu o‘rinda, Pensiya jamg‘armasi Surxondaryo viloyati boshqarmasi mas’ullari korrupsiyaga qarshi kurashish yuzasidan keng jamoatchilik bilan hamkorlik uchun Pensiya jamg‘armasining “12-71” hamda boshqarmada tashkil qilingan (76) 223-55-44, (76) 227-30-91 ishonch telefonlari doimiy faoliyat ko‘rsatayotganligini eslatib o‘tadi.