Oʻtgan yili AQSHda elektr energiyasi uchun oyiga oʻrtacha 144 dollardan toʻlashgan
2025-05-14 12:10:00 / Yangiliklar
⚡️ 2024-yilda AQSHda uy xoʻjaliklarining elektr energiyasi uchun oʻrtacha oylik toʻlovi 144 dollarni tashkil etdi. Biroq ayrim shtatlar oʻrtasidagi farq ikki barobardan ham koʻproq boʻldi. Masalan, Gavayida oylik toʻlov oʻrtacha 213 dollarni tashkil qilgan boʻlsa, bu koʻrsatkich Yuta shtatida 89 dollar boʻldi.
Aytish joizki, oʻtgan yili AQSHda 1 kilovatt⋅soat elektr energiyasining narxi 2023-yildagiga nisbatan oʻrtacha 16 sentga qimmatlashgan.
Mazkur maʼlumotlar Energetik axborot boshqarmasi (EIA) mutaxassislarining elektr energiyasi yetkazib beruvchi kompaniyalar savdosi va tushumlarini ularning aholi sektoridagi mijozlari soni bilan taqqoslab qilgan tahlillari asosida olingan.
⬛️ Toʻlov miqdori, koʻp jihatdan, elektr energiyasi generatsiyasining asosiy manbaiga bogʻliq. Yutada bu — gaz va koʻmir boʻlib, ular energiya inqirozi avji pasayganidan soʻng ancha arzonlashgan. Gavayida esa asosan qimmat neft mahsulotlari qoʻllaniladi.
EIAʼning soʻnggi yillik hisobotiga koʻra, AQSHda elektr stansiyalarida anʼanaviy koʻmirning oʻrtacha narxi 1 million Britan termal birligi (BTE) uchun 3,15 dollar, gaz narxi 3,36 dollar, neft mahsulotlariniki esa qariyb 16 dollarni tashkil etgan.
▶️ Oʻrtacha toʻlov guruhiga Luiziana kabi gaz qazib oluvchi bir qator shtatlar kiradi. 2024-yilda bu yerda uy xoʻjaliklari oyiga oʻrtacha 142 dollar toʻlashgan. Bu yerdagi past tariflar aholining yozda konditsionerlardan va qishda elektr isitish jihozlaridan keng foydalanishi sababli yuzaga keladigan yuqori isteʼmol hajmi bilan kompensatsiya qilinadi.