Taqsimlangan generatsiya Braziliyada quyosh elektr stansiyalarining uchdan ikki qismini taʼminlamoqda
2025-03-26 14:30:00 / Yangiliklar
Braziliyada 2024-yilda 3 GVt quyosh fotoelektr moduli ishga tushirildi, natijada mamlakatda quyosh energetikasining oʻrnatilgan quvvati 55 GVtga yetdi. Undan 37,4 GVt taqsimlangan generatsiya hissasiga toʻgʻri kelsa, 17,6 GVt umumiy elektr tarmogʻiga ulangan elektrostansiyalarga tegishli.
Bugungi kunda Braziliyada oʻrnatilgan umumiy elektr quvvatining 22 foizi quyosh panellari hissasiga toʻgʻri keladi. Bu koʻrsatkich boʻyicha faqatgina gidroelektrostansiyalar ustunlik qiladi.
Shu bilan birga, Braziliya “Katta yigirmalik” (G20) davlatlari orasida “toza” generatsiya ulushi boʻyicha yetakchi hisoblanadi: 2023-yilda mamlakatda ishlab chiqarilgan elektr energiyasining 89 foizi qayta tiklanuvchi energiya manbalari hissasiga toʻgʻri kelgan. Bu koʻrsatkich G20 davlatlari boʻyicha oʻrtacha 29 foizni tashkil etgan.