Yanvar oyida qariyb 18 mlrd sо‘mlik elektr energiyasidan qonunga xilof ravishda foydalangan iste’molchilar aniqlangan — HET
2025-02-06 20:50:00 / Yangiliklar
Avval xabar berganimizdek, “Hududiy elektr tarmoqlari” AJ hamda tizim tarkibidagi korxonalar Komplayens nazorat tuzilmalari tomonidan yoqilg‘i-energiya resurslarini talon-toroj qilish holatlarini aniqlash va ularga nisbatan tegishli choralar kо‘rish yuzasidan hududlarda nazorat tadbirlari о‘tkazilmoqda.
Olib borilgan amaliy harakatlar natijasida birgina yanvar oyi davomida Komplayens nazorat xizmati xodimlari о‘tkazgan reyd tadbirlari davomida ayrim iste’molchilar tomonidan umumiy qiymati 17 411,3 mln sо‘mlik (10 051 619 ming kVt•soat) elektr energiyasidan qonunga xilof ravishda foydalanish holatlari aniqlandi.
Tо‘plangan materiallar yuzasidan qayta hisob-kitob qilinib, tegishli hujjatlar huquqni muhofaza etuvchi organlarga yuborilgan.
Elektr energiyasidan foydalanish qoidalariga rioya qilish bо‘yicha chora-tadbirlar davom etmoqda.