Quyosh paneli orqali ishlab chiqarilgan elektr energiyasi 1000 so‘mdan sotib olinadi
2025-01-09 18:10:00 / Yangiliklar
#Bilasizmi
Quyosh paneli o‘rnatgan aholi tomonidan o‘z ehtiyojidan ortiqcha ishlab chiqarilgan elektrning har bir kilovatti uchun 1 000 so‘mdan subsidiya beriladi, ya’ni davlat elektrni aholidan 1000 so‘mdan sotib oladi.
Mazkur subsidiyani olish uchun “Soliq” mobil ilovasi orqali ro‘yxatdan o‘tish lozim.
Tadbirkorlar tomonidan quyosh, shamol va biogaz elektr stansiyalarida ishlab chiqarilgan har bir kilovatt elektr 720 so‘mdan sotib olinadi. Bunga oid shartnomani tuzish uchun “Hududiy elektr tarmoqlari” AJning tuman (shahar) filiallariga murojaat qilish lozim.
Subsidiyani “Soliq” mobil ilovasining “Keshbek va imtiyozlar” xizmatining “Quyoshli xonadon” bo‘limidagi “Kartaga pul o‘tkazish” oynasi orqali bank kartasiga o‘tkazib olish mumkin.