Boʻston, Oqdaryo va Toʻrtkoʻl tumanlarida energiya resurslariga noqonuniy ulanish holatlari fosh etildi
2024-12-10 18:05:00 / Yangiliklar
Bosh prokuratura huzuridagi Departamentning Boʻston tumani boʻlimi va ETK xodimlari hamkorligida oʻtkazilgan tadbirda “E.O.” fermer xoʻjaligi rahbari D.E. va boshqalar xoʻjalik yer maydonlarini sugʻorish uchun suv nasosini umumiy foydalanishdagi tarmoqqa oʻzboshimchalik bilan ulab, jami 310,6 mln soʻmlik elektr energiyasidan noqonuniy foydalanganliklari aniqlangan.
Shu kabi Departamentning Oqdaryo tumani boʻlimi tomonidan oʻtkazilgan tergovga qadar tekshiruvda “Yangiqoʻrgʻon” MFY hududidagi “X-X.” xususiy korxonasi rahbari J.X. elektr qurilmalarni tijorat maqsadida umumiy foydalanishdagi tarmoqqa oʻzboshimchalik bilan ulab, jami 259,8 mln soʻmlik elektr energiyasidan noqonuniy foydalanganliklari aniqlangan.
Departamentning Toʻrtkoʻl tumani boʻlimi tomonidan oʻtkazilgan tergovga qadar tekshiruvda “Shabbaz” OFY hududidagi xonadonda yashovchi fuqaro S.Yu. oʻz uyida gaz hisoblagich uskunasidan tashqari gaz tarmogʻiga yashirincha ulanib, jami 129,4 mln soʻmlik tabiiy gazdan noqonuniy foydalanganligi aniqlangan.
Mazkur holatlar yuzasidan Jinoyat kodeksining tegishli moddalari bilan jinoyat ishlari qoʻzgʻatilib, tergov harakatlari oʻtkazilmoqda.