Energetika vazirligining tadbirkorlar bilan navbatdagi ochiq muloqoti bo‘lib o‘tdi
2026-07-15 18:05:00 / Yangiliklar
Bugun, 15-iyul kuni “Hududgaz Poytaxt” gaz ta’minoti filiali binosida Energetika vazirligining tadbirkorlar bilan navbatdagi ochiq muloqoti bo‘lib o‘tdi.
Unda Energetika vazirligi, “Hududgazta’minot” AJ, “Hududiy elektr tarmoqlari” AJ hamda “O‘zbekiston milliy elektr tarmoqlari” AJning Toshkent shahar filiallari mas’ul xodimlari ishtirok etdi.
Ochiq muloqot davomida tadbirkorlar tomonidan bildirilgan murojaat va takliflar atroflicha ko‘rib chiqildi. Ularning aksariyati yuzasidan joyida huquqiy tushuntirishlar berilib, amaliy yordam ko‘rsatildi. Qo‘shimcha o‘rganishni talab etadigan masalalar nazoratga olinib, ularni hal etish bo‘yicha mas’ullarga tegishli topshiriqlar berildi.