O‘zbekiston, Qirg‘iziston va Qozog‘iston ishtirokida “Qambarota GES-1” qurilishi bo‘yicha navbatdagi muzokaralar bo‘lib o‘tdi
2026-04-04 17:10:00 / Yangiliklar
Bishkek shahrida O‘zbekiston, Qirg‘iziston va Qozog‘iston Respublikalari Energetika vazirliklari hamraisligida navbatdagi muzokaralar bo‘lib o‘tdi. Yig‘ilishda O‘zbekiston Respublikasi Energetika vaziri o‘rinbosari Umid Mamadaminov va vazirlik bo‘lim boshlig‘i o‘rinbosari Umarxo‘ja Nig‘monov ishtirok etdi. Tomonlar “Qambarota GES-1” loyihasini amalga oshirish bo‘yicha Hukumatlararo kelishuv loyihasini muhokama qildilar.
“Qambarota GES-1” loyihasi suv va energetika sohasidagi strategik ahamiyatga ega bo‘lgan mintaqaviy tashabbus hisoblanadi. U Markaziy Osiyo davlatlarining energetik xavfsizligini mustahkamlashga qaratilgan bo‘lib, Qirg‘iziston Respublikasi hududidagi Norin darosida quvvati 1880 MVt bo‘lgan gidroelektr stansiyasini qurishni nazarda tutadi.
Delegatsiyalar tarkibiga uch mamlakatning mutasaddi davlat organlari va sohaviy tashkilotlari vakillari kiritildi. Jahon banki vakillarining kuzatuvchi sifatida ishtirok etishi ushbu tashkilotning loyihadagi asosiy xalqaro moliyaviy sherik sifatidagi muhim o‘rnini tasdiqlaydi.
Muzokaralar yakunida tomonlar Hukumatlararo kelishuv loyihasi qoidalarini kelishish bo‘yicha hamkorlikni davom ettirishni tasdiqladilar. Navbatdagi muzokaralar 2026-yil aprel oyida Toshkent shahrida o‘tkazilishi rejalashtirilgan.